Read Te B'aib'ara Itaia 18 Bible Online

Itaia 18 - Te B'aib'ara bible

Itaia 18

¹E wene te aba ae Aikubita i tinanikun karaangan nako Itiobia, [68] ao e onrake aona n taian m'ata ao maan aika a uarereke.[69]

²E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute.[70] Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.[71]

³Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

⁴E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

⁵I m'aain ae a onikaki taian uee nakon taiani kureebe, ao e na koroi bwebweia te Atua ma n taeki nako taiani m'aanga.

⁶A na riki kaain Itiobia b'a kanaia ikaren taiani maunga i nanon tain te aumaiaki ao kanaia maan aika a aki manana i nanon tain te aumeaang.

⁷A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.