Read Te B'aib'ara Itaia 34 Bible Online

Itaia 34 - Te B'aib'ara bible

Itaia 34

¹A na bane aomata man taian botannaomata, n te aonnaba ni kabane, ao b'aai ni kabane aika a maiu, n nakomai ni kakauongo!

²E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

³A na tiku rab'ataia aika a mate ni buakaka ao ni boiraa, a raanga rikaaki raraaia man taiani maunga.

⁴A na mauna nako taian itoi [142] n tatabeua nako ao e na rukumaki karawa kaanga te niira ni boki. [143] A na m'au ao n rai b'ai ni karawa kaanga baan te oriwa aika a rai ke taian uanikai i aon te aroka.

⁵Ngke e a tia ana kabaang te UEA ni karaoa te b'ai are e tangiria nakon taiani karawa aika i eta, [144] ao e na ruo i aon Etom, te botannaomata are e a tia te UEA ni motikitaekaia nakon te b'aka.

⁶E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

⁷Bon taiani kao aika a aki manana taani kairiiri i Etom. Bon taian kaom'aane aika a marurung, ma a na boni mate naba ma ake tabeman. Ane e na onrake abaia n raraaia ao e na maiu tanon abaia ni kiritin rab'ataia.

⁸E a tia te UEA ni katea te ririki ma te bong, are e na irantaanga iai ao n roko i Tion i bukin kamanoana.

⁹Ane a na oneaki taian raanga n ran ake i Etom nakon te taa ao e na riki tanona b'a taian burimton ao ane e na ura aon te aba ni kabane.

¹⁰Ane e na bue n te bong ma te ngaina ao e na aki toki bubuna. E na riki Etom b'a te rereua, ao e na akea ae e na manga; riri nanon te aba arei n te roro teuana ma teuana.

¹¹A na karaoa mwengaia taian aure, aoki, ao maan aika a aki manana [145] E na katikua te Atua ma te urubekebeke, ai bon te b'ariko n atiibu.

¹²E na aranaki Etom b'a “Te abanuea ae akea kiito iai.” A na akea kiito i rouia ana taan tautaeka.

¹³A na onrake ara baareti ma nonona n taian kateketeke; bon ti taian kameanti ma aotireti aika a karaoa mwengaia ikekei.

¹⁴Ane a na kaai ni kakaaea kanaia katam'anti ao aiena, ao a na takaarua taian taimonio nakoia taian taimonio, ane a na maeka manin te tairiki i buakon b'ai aika a urubekebeke.

¹⁵Ane a na karaoi ngaoia taian aure ikekei i bukin ikawaia natiia i marenan atiibuna nako, [146] ngke a tabe utuun nako te ikare ni kibakiba ni katobibi.

¹⁶Ko konaa ni kakaaea ao ni kunea n ana boki te UEA [147] n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

¹⁷E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.