Read Te B'aib'ara Itaia 56 Bible Online

Itaia 56 - Te B'aib'ara bible

Itaia 56

¹E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

²N na kakab'aia aomata nako akana a karinea te Taabati ma n rawa ni karaoa te kaairua.

³A na aki kaangai ianena akana taromauriai, “E na aki kariaia te UEA b'a ti na riki b'a ana Aomata.” A na aki manga kaangai m'aane akana a aki konaa n riki b'a taian tama, “Taian aroka aika a m'auteretere ngaira.”

⁴E taku te UEA nako ia: Karinea te Taabati, ongotaeka irou, ao kaawakin ara booraraoi.

⁵Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

⁶Ane a na irai ianena. A na tangirai ao a na taromauri n arau; a na karinea te Taabati ao a na kaawakina ara booraraoi.

⁷N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

⁸I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

⁹Kam roko man te buakonikai, ngkami maan aika kam aki manana! Buakaniia ao kana konam nako.

¹⁰Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

¹¹Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

¹²Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”