Read Te B'aib'ara Itaia 62 Bible Online

Itaia 62 - Te B'aib'ara bible

Itaia 62

¹Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

²E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

³Ko na riki b'a te baunuea ae e mimitong, kabaean atuuia uea, nakon te UEA ae Atuami.

⁴E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

⁵A na abana te aba ami aomata, [252] kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

⁶Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

⁷ao a na aki motirawa ni karokoa e matoatoa raoi Ierutarem ma n tanoata taekana n taabo nako.

⁸E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

⁹Ngkai kam bon taiia ami uita ma te kureebe, ao kam na boni kana naba te kariki ma te nano ni kaaitau, ao kam na nima ami wain n au Tembora.”

¹⁰Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

¹¹Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

¹²Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”