Read Te B'aib'ara Itaia 64 Bible Online

Itaia 64 - Te B'aib'ara bible

Itaia 64

¹Bwenauai taiani karawa! Ruorikaaki, te UEA; karurui taiani maunga.

²Riiki b'a te kia are e kauraa te ai are e na kaburoa te ran. [262] Ao i mwiina, ane a na ataiko iai am kairiribai b'a te aeka n aomata raa ngkoe; ane a na bane n ruru aomata nako i bukina b'a ko raroa nako.

³am m'akuri aika ko a tia ni karaoi bon baika a kamimii nakoira; a ruru naba taian maunga ngkana ko ruo rikaaki.

⁴Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

⁵Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai. [263]

⁶Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

⁷Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako. [264]

⁸bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

⁹Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

¹⁰A tia n riki b'a n rereua am kaawa nako, ma ai ti Ierutarem nikirana.

¹¹E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

¹²Ko na kariaia b'a ti na tekateka ikekei ao ni kamarakiira riki ngkana ko noori baikai?