Read Te B'aib'ara Nakoaia Ibonga 10 Bible Online

Nakoaia Ibonga 10 - Te B'aib'ara bible

Nakoaia Ibonga 10

¹A kaai n anaa baanin te ai natin Aaron m'aane ake Nataba ao Abiu, ao a kaaki te kooro i nanona, a ikotia ma te b'ai ni kaboiarara are e kaakabubuaki, ao a kaotia nakon te UEA. Ma e bon aki tabu te ai aei, i bukina ngke E bon aki tuangiia te UEA b'a a na kaotia.

²Ao E kanakoa te ai te UEA n te tai ae e waekoa, ao e kabuokiia ni kamateia ikekei i matana.

³Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

⁴Ao Moote, e kanaanako weteaia m'aane ake Mitiaera ma Eritaban, ake natin Utiera ao e taku nako ia, “Nako mai ikai ao anai rab'ataia tarin tamami man te Um'antabunrianna are e tabu, ao uotiia ni kaotinakoia man te maeka.”

⁵Ma ngaia are, a roko ao a taua kunnikaiia maate akekei, ao a uotiia nako tinanikun te maeka n aron ana mwioko Moote.

⁶Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

⁷Kam na aki kiitana mataroan ana Um'antabunrianna te UEA b'a kam kaawa ni mate, b'a kam a tia ni katabuaki ni kab'aroaki ana b'aa ni katabutabu te UEA i aomi.” Ma ngaia are, a karaoa are e tua Moote.

⁸E taku te UEA nakon Aaron,

⁹“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

¹⁰Kam na riai ni kaokoroi b'aai aika ana B'ai te Atua ma baika a kamanenaaki irouia aomata, b'aai aika b'ain te taromauri ao baika a kam'araa.

¹¹Kam na riai n reireiniia Iteraera tuua ni kabane aika I a tia n anganingkami ri nanon Moote.”

¹²Ao e taku Moote nakon Aaron ao nako ia natina m'aane ake nikira ake uoman, Ereata ao Itama, “Anaa te karea are te uita are te nikira man te am'arake are e kareanaki nakon te UEA.[33] Karaoa te kariki ae e aki itinaki mai iai ao kanna i rarikin te baonikarea, b'a e rangi n tabu te karea aei.

¹³Kam na kanna n te tabo ae e tabu; bon te m'akoro are bon ami b'ai ma natimi m'aane man te am'arake are e kareanaki nakon te UEA. Anne te b'ai ae mwiokoai te UEA.

¹⁴Ma kam riai ma ami utu ni kana te rinikaokao, ao rangan te man ake mai buki ake a kaotaki [34] b'a te karea ae e kaokoroaki nakon te UEA i bukiia ibonga. Kam na riai ni kang n taabo nako aika a itiaki ni kaineti ma aron te taromauri.[35] Kam a tia n anganaki te karea aei ma natimi b'a te m'akoro ae ami b'ai man te karea n raoi mairouia aomata.

¹⁵A na riai ni uota rangan te man ake mai buki ao te rinikaokao n te tai are e kaotaki iai te karea are te am'arake nakon te UEA.[36] Bon ami b'ai taiani m'akoro aikai ma natimi n aki toki, n aron ana mwioko te UEA.”

¹⁶Ao e titiraki Moote i bukin te kooti are te karea ni kab'arabure, ao e a ataia b'a ngaia are e a kaman tia ni kabuokaki. Ao e rangi n un n irouia Ereata ao Itama, ao e kamatoa ana taeka ni kaangai,

¹⁷“E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

¹⁸Ngkai e aki uotaki raraana nakon te autinrianna are e tabu, kam na riai ni kana te karea ikekei, n aron au mwioko.”

¹⁹Ao e kaeka Aaron ni kaangai, “I a tia ni kana te karea ni kab'arabure n te bong aei, E konaa te UEA ni kariaia ngkana I a tia ni kana te karea i bukin kab'araan buure?”

²⁰Ao e rau nanon Moote n ana kaeka Aaron.