Read Te B'aib'ara Nakoaia Ibonga 18 Bible Online

Nakoaia Ibonga 18 - Te B'aib'ara bible

Nakoaia Ibonga 18

¹E tua te UEA nakon Moote

²b'a e na tuangiia Iteraera ni kaangai; “Bon te UEA ae Atuami ngai.

³Kam na aki karaoi baika kakaraoaki irouia kaain Aikubita, are kam mena i rarikiia ngkoa, ke kaain te aba ae Kanaan, ae I a uotingkami ngkai nako iai.

⁴Ongotaeka nakon au tua ao karaoi baika I tuangngkami. Bon te UEA Ngai ae Atuami.

⁵Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

⁶E anga kaetieti aikai te UEA. Ko na tai iein ma am koraki.

⁷Ko na tai kamamaaea tamam n iein ma tinam. Ko aki riai ni kamamaaea oin tinam.

⁸Ko na tai kamamaaea tamam n iein ma temanna i buakoia buuna.

⁹Ko na tai iein ma neiene m'anem,[54] ke neiene ai m'anem,[55] e aoria ngke kam aki uaia n ikawairake i nanon te mwenga ae ti teuana.

¹⁰Ko na tai iein ma tibum te aine; anne bon te kamamaa nako im.

¹¹Ko na tai iein ma neiene ai m'anem mairoun tamam ke tinam; boni m'anem ni koaua.

¹²Ko na tai iein ma ai tinam,

¹³tao m'anen tamam ke tarin tinam.

¹⁴Ko na tai iein ma buun ai tamam; neienne, bon ai tinam.

¹⁵Ko na tai iein ma neiene ai natim, ane buun natim te m'aane,

¹⁶ke ma neiene buun tarim.

¹⁷Ko na tai iein ma neiene natin ke tibun neiene ko iein ma ngaia; boni koraki ngkami, ao anne bon te karikiraa. [56]

¹⁸Ko na tai buuna neiene tarin buum, ngkai e maiu neiene buum.

¹⁹Ko na tai iein ma neiene e teiao, [57] b'a e tuai itiaki.

²⁰Ko na tai iein ma te aine ae buun te m'aane temanna; ko na riki n aki itiaki iai.

²¹Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

²²E na tai iein te m'aane ma te m'aane; e ribaia te Atua.

²³Akea te m'aane ke te aine ae e na iein ma te man; ko bon aki itiaki iai.

²⁴Kam na tai kabarekaingkami ni m'akuri aikai, b'a anne aroia beekan ni kabarekaia beekan ake a maeka n te aba ngkoa i m'ain rokomi, ao are E a tia ni kanakoia te UEA mai iai b'a kam aonga ni kona ni maeka iai.

²⁵Aia m'akuri e kabarekaa te aba. Ma ngaia are, te UEA E katuaea te aba ao ni karika naba te aba b'a e na m'anuokin taekaia taani maeka iai.

²⁶A karaoi baika bubuaka aikai ao ni karika kam'araan te aba, ma ngaia are, kam na tai karaoi.

²⁷Iteraera ni kabane n ikotaki ma ianena akana a maeka ma ngkami, kam riai ni kawakina ana Tua ma ana Kaetieti te UEA.

²⁸Ao n te aro anne, e na aki m'anuokiningkami te aba, n aron are e m'anuokiniia ake a maeka i m'aimi ngkoa.

²⁹Kam ataia raoi b'a ane e karaoi baika a kam'araea te aba n ai aron aikai, ao e na bon aki aranaki b'a ana aomata te Atua.

³⁰Ao e taku te UEA, “Ongotaeka nakon tuua aika I anganingkami, ao tai katotoong aia m'akuri aomata ake a maeka n te aba aei i m'aimi, ao kam na tai kam'araingkami ni karaoan are a kakaraoia. Boni Ngai te UEA ae Atuami.”