Read Te B'aib'ara Ieremia 4 Bible Online

Ieremia 4 - Te B'aib'ara bible

Ieremia 4

¹E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

²Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

³Kaain Ierutarem ao Iuta kam na aki taningabono! A a tia n rikirake ni matoatoa nanomi, kaanga te tano ae e tuai man kamarauaki ike a rikirake iai taian aroka aika a kateketeke.

⁴Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

⁵“Katang taiani bu au aomata. Kauringiia kaain Iuta, [18] Biri n rawei maiumi!

⁶kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

⁷E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

⁸Ao i mwiina, I taku nako ia Iteraera, “Karin i aomi kunnikai aika mangaingai! [19] B'aeb'aeti ao taang ni kaangai, E bon teimatoa naba n un te UEA iroura.’ ”

⁹E taku te UEA, “Ngkana a riki baikai ni kabane ao ane a na tiaoki ma ni maaku taiani uea ma taiani mataniwi ao burabeti ao ibonga.”

¹⁰I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

¹¹E na taetae te UEA ni kaangai nako imi

¹²ngkami kaain Ierutarem ngkana e roko te kabuanib'ai, [20] “I kanakoa te angibuaka man te rereua te ang ae e aki raoiroi. Ao e na iribiko nako b'a katuaaeam i bukin am bure nako.

¹³Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

¹⁴Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

¹⁵i m'aain rokon rongorongon te kabuanib'ai man taian tabuki ake i Eberaim ao te kaawa are Taan. [21]

¹⁶E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

¹⁸“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

¹⁹I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

²⁰I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

²¹Maan ra riki au tai n noora aia buraeki kairiribai ma n ongo tangin aia bu?

²²I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

²³I mwiin te bure aei, ao I taratara nako. Ao e wene te aonnaba n akea kanoana, akea nooran te maiu iai. A mauna taai ma nam'akaina, ao taian itoi.

²⁴A ruru taian maunga;

²⁵akea te aomata ae e konaa n nooraki, ao a tia ni kiba nako taiani mannikiba ni kabane.

²⁶A riki b'a taian rereua taabo n ununiki ngkoa, ao a uruaki kaawa nako. E kariki b'aai aikai ni kabane unin te UEA ae e kakamaaku.

²⁷E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

²⁹A takaaruaea aia keeke ni buaka aia taan toka i aoia aoti ao aia taani katebe kairiribai. A biri nako aomata n rawei maiuia ma ni kataia ni kakaea kamanoaia i buakon taian aroka ao taiani b'aa. Bon akea kaain kaawa ni kabane.

³⁰Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

³¹I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”