Read Te B'aib'ara Ieremia 47 Bible Online

Ieremia 47 - Te B'aib'ara bible

Ieremia 47

¹I m'aain buakanakin te kaawa are Kata i roun uean Aikubita, ao E tuangai te UEA b'a N na taetae nako ia kaain Biritia ni kaangai: [159]

²Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

³Ngkana kam ongo rurungaan taian aoti ma kaa ni buaka, ao ane e na mauna nako ninikoriami, ao a na kiitaniia oin natiia kaaro nako.

⁴Ngkami aika taenikai mai Kabetora, e a roko ami tai, are N na uruaningkami iai. Bon akea i buakomi ae e na tiku ni buoki kaawan nako Turo ma Titon.

⁵E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

⁶Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

⁷Ma e na kangaa ni motirawa Au kabaang, ngkana I kanakoa b'a e na buakana Atikeron ma mataniwiin te aba?