Read Te B'aib'ara Ieremia 5 Bible Online

Ieremia 5 - Te B'aib'ara bible

Ieremia 5

¹Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

²A bane aomata ni kabane n urua aia berita aika a karaoi n Arau.”

³Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

⁴Ao i mwiina, I taku i bon i nanou, “A karaoa te m'akuri ni baba aomata aikai, ao a aki konaa n ataa te b'ai ae E tangiria Atuaia b'a a na karaoia.

⁵N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

⁶A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

⁷Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

⁸Ti te bo ngkami ma taiani man, kam tatangira te wenenibure n taai nako ma buuia aomata tabem'aang.

⁹E aera ngkai N na aki katuaaia kaain Iuta?

¹⁰N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

¹¹A a tia n aki kakaonimaki nako iu kaain Iuta ma Iteraera n aaro aika a bati,

¹²A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

¹³A taekin taiani kewe aikai n arau, ma ngaia ae ngkai a na mate n te buaka ke n te mate ni baki.

¹⁴Bon te UEA Ngai ae te Atua ae Moan te M'aaka. Ieremia, I tuangko raoi te b'ai ae ko riai n taekinna. A na riki am taeka b'a taian ai; ao a na riki Iteraera ao Iuta b'a te b'a ni kauraura.

¹⁵Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

¹⁶Bon taani buaka ngaiia ni kabane, ao a uota te mate aia kanoanikatebe.

¹⁷A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

¹⁸E taku te UEA: Ieremia, a na aki tiringiia ni kabane kaain Iuta kairiribai.

¹⁹Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

²⁰Kaain Iuta, ao kanoan Iakob'a tuangiia aomata n tatabemaniia nako baikai.

²¹Taian nanobaba! E aera ngkai kam aki kakauongo ngke I taetae? Kam aki ataia b'a kam

²²riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

²³Kam a tia ni kaaitaraai ma n rairaki nako mairou ngkami aika taian taningabono.

²⁴Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

²⁵Ao bon anne bukina ngkai I aki konaa ni kakab'aiaingkami!

²⁶E kam'aneia maan te tia kaeman ao e kaaki i nanon ooia, ma iai ake a kam'aneia aomata ma ni karikiia b'a aia toro.

²⁷Kam buakaka, ao kam b'anganikewe ao ni kam'aam'ane i bukin karekean kaub'aimi i bon iroumi. Kam korakora

²⁸ao kam tetekeraoi, ma kam rawa ni buobuoki [22] nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

²⁹Kam tangiria ni katuaaeaki, ma ngaia are, N na karaoa te karekekai.

³⁰Ani bon noori b'aai aika a kakamaaku aika a riki i nanon te aba aei. I tiaoki!

³¹A anga aia rongorongo taiani burabeti n aran te anti ni kewe. [23] a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?