Read Te B'aib'ara B'aeb'aeti 5 Bible Online

B'aeb'aeti 5 - Te B'aib'ara bible

B'aeb'aeti 5

¹Uring baike a tia n riki nakoira te UEA. Taraira, ao noori rawawatara.

²A b'aini ara b'ai ianena; A maeka iruwa ni mwengara.

³A mate ara karo irouia ara kairiribai, ao a akea buia tinara.

⁴Ti a kabooa nimara te ran; Ti a kabooa te aia i bukin kanaan karara.

⁵Ti a kam'akuraki n ai aron te aati ma te kaamero. Ti rootaki n kua ma ti aki kariaiakaki ni motirawa.

⁶Ti nako ni bubuti te am'arake i Aikubita ao i Aturia i bukin korakoran te baki.

⁷A bure ara bakatibu, ao a mate, ao ngaira ti a karawaawataaki i bukin aia bure.

⁸A riki b'a ara mataniwi aomata aika bon tooro ngkoa, ao bon akea ae kona ni kamaiura mai irouia.

⁹Ti nako ni kakaei karara i tinanikun te kaawa, are nneia taan kam'arua.

¹⁰A bue rab'atara ni korakoran te baki, ni karokoa e a kabuebue kunra n ai aron te ai ni umum.

¹¹A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

¹²A anaaki ara taan kairiiri ao a kabaeaki roroaia, a akea karineaia ara unim'aane.

¹³A kairoroaki ara rorobuaka n ataei b'a ana karabinoi atiibu n i uita n ai aroia tooro; a bebebebe rorobuaka n ataei i aan rawawatan uotaia.

¹⁴A akea karinean aia moti unim'aane ni mataroan te kaawa, e a toki naba te katangitang irouia rorobuaka n ataei.

¹⁵Akea te kukurei ni maiura; e a onea mwiin ara ruruoia te nanokawaki.

¹⁶Bon akea nikiran kakatongan nanora, Ti bure ao ti a matakii n rannimatara,

¹⁷A rangi n aoraki nanora, ao ti a matakii n rannimatara,

¹⁸i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

¹⁹Ma ko na tautaeka ngkoe ae te UEA ni karokoa te toki, b'a bon te uea ngkoe n aki toki.

²⁰Bukin tera ngkai Ko aki toki ni m'anuokiniira? Ko bia manga ururingiira?

²¹Ko na kaokiira nakoim te UEA! Ko na kaokiira! Manga kaoki kakannatora ake ngkoa.

²²Ko na bon teimatoa naba n aki kubariira? E a aki tootoki unim?