Read Te B'aib'ara Etekiera 15 Bible Online

Etekiera 15 - Te B'aib'ara bible

Etekiera 15

¹E taku te UEA tabeua te tai i mwiina:

²Etekiera ae natin te aomata, tera ae e riki nakon kain te kureebe ngkana e a tia ni kinikaki uaana? E kaokoro ma taian aroka nako n te buakonikai,

³i bukina b'a e aki konaa ni manga kabongaanaki kain te kureebe ni karaoaki iai b'aai tabeua, e aki konaa ni kamanenaaki b'a te biin ni katinetine.

⁴E ti konaa ni kamanenaaki b'a te aia. Ma ngkana e a bane tabona ni bue ao e a tib'a tabe ni bue nuukana, e bon aki konaa naba ni kamanenaaki i bukin te b'ai teuana.

⁵Akea manenan te kai i m'aain bueena, ao i mwiin bueena bon akea riki manenana.

⁶Boni Ngai ae te UEA ae te Atua ae I berita b'a N na bon katuaaia Iteraera

⁷kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

⁸N na karika abaia b'a te aba ae akea manenana, i bukina b'a ngkai a tia n aki kakaonimaki nako iu. Bon aei au taeka Ngai ae te UEA.