Read Te B'aib'ara Etekiera 24 Bible Online

Etekiera 24 - Te B'aib'ara bible

Etekiera 24

¹Ruaiwa te ririki i mwiin uotakira nakon Ieoiakin ao ngaira ni kabane b'a taenikai nako B'aburon, ao E taetae te UEA nako iu ni katebwinan bongin te katebwina n nam'akaina. E taku: [27]

²Etekiera ae natin te aomata, ko na taua mwiin te bong aei, b'a e a moana buakanan Ierutarem uean B'aburon ni buakana te kaawa are Ierutarem.

³Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

⁴Karina rangan ao angan am tiibu ae te kabanea n raoiroi ao karin taian rii aika a menaai i nanon te b'aata.

⁵Karin taian kai i aan te b'aata, ao kaburoi taian rii ni karokoa a m'ai.”

⁶Nanon taeka aikai b'a e na b'aka Ierutarem! E onrake te kaawa irouia taan tiritiri ao ti te bo ma te b'aata ae e b'ainikawai ae e a raraa. E a anaaki te iriko ni man teuana i mwiin teuana, ao akea ae e tabe iai.

⁷A tiringiia aomata aika a raoiroi kaain Ierutarem ao a aki tabe naba ma karabaan te raraa are e raanga nako aon te tano ae e matoatoa.

⁸Ma I a tia n noora te raraa anne, ao e tang nako iu n tangira irantangaana.

⁹Boni Ngai ae te UEA ae N na katuaaea te kaawa n tiritiri arei! N na katauraoa te b'ariko n aia,

¹⁰ma ngaia ae kam na uoti mai riki taian aia ao kaurai. Kuukana te iriko ao kam'aa te am'arake b'a e aonga ni buro taian rii.

¹¹Ao i mwiina, ko kanakoa kanoan nako aon taiani kooro aika kabuebue ni karokoa e a takarokaro. E na itiaki te b'aata n te aro anne ma ni kabueka te raraa ni kanakoa.

¹²I a tia ni katai b'aai nako. Ao ngkai e na riai n tia n nako te raraa n te kabuebue.

¹³E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

¹⁴E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

¹⁵E taku te UEA,

¹⁶“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

¹⁷Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

¹⁸I taetae nakoia aomata n aron are I bon kaakaraoia n te ingabong teuana, ao e a mate buu ngke e a bungi taai. Ao n te bong are i mwiina, I karaoa te b'ai are E tuangai te UEA,

¹⁹ao ngke a noorai aomata, a titiraki ni kaangai, “E aera ngkai ko aki tang i bukin buum?”

²⁰Ao I kaeka ni kaangai: E taku te UEA ae te Atua

²¹b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

²²Ao i mwiina, kam na karaoa naba te b'ai are I tia ni karaoia. Kam na aki kanakoi rabunan matami ao kam na rawa ni kana te am'arake are e kaakanaki irouia taan tanginiwenei.

²³Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.

²⁴Boni ngai kanikinaean te kauring, I karaoi b'aai nako aika kam riai naba ni karaoi. Ao ane kam na ataia iai b'a bon te UEA ae te Atua ae E karaoi baikai ni kabane.

²⁵E taku te UEA, Etekiera, N na waekoa n urua te Tembora are kam kainikatonga iai ma n taku b'a kam mano iai, ao N na uotiia nako naba natiia.

²⁶N te bong naba anne, ane e na biri nako temanna man te kaawa ao e na roko n tuangkami te b'ai ae e a tia n riki.

²⁷Ao ane kam na manga konaa n taetae, ao kam na kaai n taetae ngkami ni kauoman. Kam na riki b'a te kanikina ni kauring nakoia aomata, ao ana ataai iai b'a bon te UEA.”