Read Te B'aib'ara Etekiera 31 Bible Online

Etekiera 31 - Te B'aib'ara bible

Etekiera 31

¹Tebwi ma teuana te ririki i mwiin anaakin te Uea are Ieoiakin ma nikiraia aomata b'a taenikai nako B'aburon, ao E taetae te UEA nako iu ni moanibongin te katenua n nam'akaina.[41] Ao E taku:

²Etekiera ae natin te aomata, ko na tuanga uean Aikubita ma aomata te b'ai ae I taekinna ni kaangai: Ko korakora riki nakoia aomata ni kabane n te aonnaba. Ko na kakauongo ngkai nakon te b'ai aei.

³Iai ngkoa te kai ae te tiira i Reb'anon iai m'aangana, aika a rangi ni korakora aika a roota karawa.

⁴E rawata te ran n te aroka aei are e buokia ni karikirakea rietaatana, taian raanga n ran ake i rarikina a teboki taian aroka ake tabekai i nanon te buakonikai.

⁵Ma e bura riki taberan te aroka aei i aon taian aroka ake tabeua, ao a rikirake n ab'ab'aki m'aangana nako.

⁶A karaoi ngaoia mannikiba i aoni m'aangana nako, ao a bungiaki maan nako i aana. A maeka aomata mani botannaomata nako i aan nuun te kai ae korakora aei.

⁷Bon iai m'aangana aika a tamaroa aika a ab'ab'aki, ao e rokoroko wakaana n te ran i nano i nanon te tano.

⁸Bon akea te tiira tekaina i nanon au nen aroka i Eten ae ai aron te kai aei; ao akea naba te kai ae e roota ab'ab'akin m'aangana.

⁹Boni Ngai ae te UEA ae I angan te kai aei tamaroana, ao I buoki m'aangana b'a a na ab'ab'aki. A bane aroka nako i Eten n tangiria b'a na riki ni katotoongnga.

¹⁰Uean Aikubita, kakauongo ngkai nakon te b'ai ae I taekinna Ngai ae te UEA ae te Atua, i bukin te aroka anne: E rikirake n rietaata te kai anne n roota karawa ao e rikirake ni kamoamoa ma ni kainikatonga.

¹¹Ma ngaia are, N nang katinanikua te kai anne ma n anga ngaia nakon te tia tautaeka ae ianena, are e na katuaaea i bukin ana m'akuri aika a buakaka.

¹²E na koreaki ni kab'akaaki irouia ianena aika a iowawa ma ni katikua n te tabo ike e b'aka iai. A na maaenako m'aangana ma m'aangana ake a uarereke i aon taiani maunga ao i nanon taian m'arua. A na nako aomata ake a maeka i aan nuuna nakon taabo n aki akaaka.

¹³A na manga karaoa ngaoia mannikiba i aoni botona are e tiku i nanon te tano, ao a na toubekaa m'aangana maan aika a aki manana.

¹⁴Bon akea riki te aroka tekaina ae na manga rikirake n rietaata n aron te aroka aei, e ngae ngke e korakora te ran n reke i rouna. A na bane ni mate aroka nako, n aroia naba aomata ngkai a mamate ma n ruorikaaki nakon aia aonnaba maate.

¹⁵N te bong are e mate iai te aroka aei ma n ruorikaaki nakon te aonnaba are i nano, N na tuanga te karaanga ma te raanga n ran b'a a na tanginiwenei i bukin matena. A na bane n toki raangaia taiani koburake n ran ma taiani karaanga ake i aan te aba. E na rabunaki te Maunga are Reb'anon n te rootongitong b'a kanikinaean te nanokawaki, ao a na bane n rai aroka nako n te buakonikai.

¹⁶E na b'aka ni maerikiriki te aroka aei i aon te tano, ao N na kanakoa nakon te aonnaba are i nano. Ao ane e na toubekaaki irouia botannaomata nako n te aonnaba.

¹⁷A na bane naba aomata nako ake a kataniia i aan nuuna ni bane nako nakon te aonnaba are i nano, ike a na ikotaki iai ma maate.

¹⁸Uean Aikubita, a na bane n riki baikai nakoim ma am aomata! Ti te bo ngkoe ma te aroka aei n te tai teuana—ko rietaata ma ni korakora riki nakoia aomata nako n te aonnaba. Ma ko na koreaki, n ai aron taian aroka ake n te nne n aroka are Eten ake a bon riai ni mate. Ko kanakoaki nakon aia aonnaba maate, ike ko na ikotaki iai.