Read Te B'aib'ara Otea 11 Bible Online

Otea 11 - Te B'aib'ara bible

Otea 11

¹Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

²Ma e taku te taeka, “M'aitin weteakiia, bon m'aitin aia kamangao.”[66] A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

³I taua bain Iteraera ao I reireinna n nakonako. Ma a bon aki kan taekinna b'a boni Ngai are I kamaiuia.

⁴I kairiia ma te akoi ao te tangira, ao I aki kairiia ma te roobu. I tauia i rarikiu;[67] I b'aoua rikaaki ni kam'arakeia.

⁵Ma a onimakina Aikubita ao a aki kan okirai; ao ngkai a na tautaekanaki iroun Aturia.

⁶E na roko te buaka n aia kaawa nako, ao a na b'aka aia babaaire.[68]

⁷A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.[69]

⁸Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim?[70] I aki kona ni karaoia E nang korakora nanou i bukimi.

⁹Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

¹⁰N na bekorara kaanga te raian, Ngai ae te UEA, a na oki natiu, ma te ruru mai maeao.

¹¹A na oki rikaaki, a na kiba m'aaka kaanga taiani mannikiba mai Aikubita ke kaanga taian taobe mai Aturia. Ao i mwiina, N na kaokiia rikaaki nakon mwengaia. Bon aei au taeka Ngai ae te UEA!

¹²E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.[71]