Read Te B'aib'ara Otea 12 Bible Online

Otea 12 - Te B'aib'ara bible

Otea 12

¹E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

²E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

³I m'ain bungiakin Iakob'a, E a kaman kam'anea tarina,[72] ao ngke e tabe n rikirake, e manga un ma te Atua.[73]

⁴E kaunrab'ata Iakob'a i Betaera ma te anera ao e tokanikai; ao i mwiina e buubuti ma ranni matana, e buubuti i bukin kakab'aiana, ao E taetae te Atua nakoina[74] ikekei

⁵Aran te Atua bon te UEA, te UEA ae te Atua ae Moan te M'aaka.

⁶Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

⁷Iteraera, ko kukurei n te kewe ao ko aonikaiia aomata tabem'aang.

⁸Ko kaangai i bon iroum, “I a kaub'ai! I bon karekei ni kabane i bon irou, ao akea te bure iai.”[75]

⁹Iteraera, I bon teimatoa naba n riki b'a Atuam Ngai ae te UEA, ni bon arou naba ngkoa man te tai are kam mena iai i Aikubita. Ngkai N na imanonoiko b'a ko na manga maeka riki n te autinrianna, n aron are kam karaoia ngkoa te rereua.[76]

¹⁰I taetae nakoia burabeti I aki toki n taetae n taian mii. Ma ngaia are, N na kanakoa te burabeti ma rongorongon rokon te kabuanib'ai.

¹¹E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

¹²E biri nako Iakob'a [77] nako Turia[78] ike e kaawakina te tiibu iai i bukin karekean buuna.

¹³I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

¹⁴Iteraera, N na karaoiko b'a ko na kabomwi i bukin am bure aika a kakamaaku ao i bukin kamatauningaau.