Read Te B'aib'ara Otea 14 Bible Online

Otea 14 - Te B'aib'ara bible

Otea 14

¹Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

²Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.[85]

³E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

⁴Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

⁵N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.[86]

⁶A na butinako m'aangam ma tamaroan te te kai ae te oriwa ao boiararan Buakonikain Reb'anon.

⁷Kam na motirawa i aan nuu, ao a na rikirake ami uita. E na ure ueem kaanga te kai te kureebe ao ko na riki n tanoata taekam kaanga te wain mai Reb'anon.

⁸Iteraera, Katikui ami bouannanti nako! N nang kaekaa ami tataro ma n tararuaingkami.[87] Boni Ngai te aroka are e mimitong arei, are oin ami kariki uaa,[88]

⁹Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.