Read Te B'aib'ara Otea 4 Bible Online

Otea 4 - Te B'aib'ara bible

Otea 4

¹Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

²A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

³Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

⁴Ko na aki ti bukina temanna! Tiaki aomata ni kabane aika a bure. N na katei ngkami, aika ibonga.[19]

⁵Ko na tatanako ngkoe ma burabeti ni ngaina ao ni bong; N na kain wiia tinami.

⁶Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

⁷Kam'aitakiia riki ami ibonga, bon kam'aitan riki aia bure aomata. Ngkai N na onika kainikatongami nakon te mamaa.

⁸Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

⁹Ao bon anne bukina ngkai N na katuaaia aomata i bukin te b'ai ae a tia ni karaoia, n aron naba ae N na katuuaingkami ngkami aika ibonga.

¹⁰A na aki rauaki n te am'arake, ao e na aki reke karikan naati man te wene ni bure n aia baangota beekan. A tia ni kaitaraai au aomata

¹¹ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

¹²Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

¹³Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

¹⁴Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

¹⁵Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure [20] Ao ani katoka karaoan taiani berita n arau-aran te UEA ae E maiu.

¹⁶Bon akea uaam n ai aron te kao ae e taningabono ko rangi n taningabono n te aro are I aki konaa Ngai ae te UEA, ni kaam'arakeko kaanga taian tiibu ataei i nanon te tabo n uteute ae e tangaina.

¹⁷Ngkami aika Iteraera[21] kam a katamaroaaki [22] n taian bouananti. Katikuia n aroia aomata akanne!

¹⁸Kam manging, ao i mwiina kam matu ma taian ainen matawa; Kam aki tau ni kaira te maiu[23] ae e raoiroi. b'a e buakaka maiumi.

¹⁹Ma ngaia are, kam na iribaki nako n te ukeukenanti i bukina ngke kam anga karea nakon taian bouannanti.