Read Te B'aib'ara Amota 3 Bible Online

Amota 3 - Te B'aib'ara bible

Amota 3

¹Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.

²“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

³A kona n uaia n airi aomata aika uoman ngkana a tuai moa ni kaitibo?

⁴E kona ni bekorara te raian n te buakonikai ngkana akea kanana? E kona ni bekorara te raian ataei man b'angana ngkana e tuai reke konana?

⁵E kona ni m'ane te mannikiba n te b'ai ni kam'ane ngkana akea abeana? E kona ni kam'ane te b'ai ni kam'ane ao akea konana?

⁶Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

⁷E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

⁸Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

⁹Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

¹⁰E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

¹¹Ma ngaia are a na otab'aniniaki irouia aia kairiribai, ana urui aia nono, ao ana kurib'ai mwengaia.

¹²E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti. [15]

¹³Ongora ngkai ao kauringiia kanoan Iakob'a,” bon ana taeka te UEA ae m'aaka.

¹⁴“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

¹⁵N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”