Read Te B'aib'ara Ob'aria 1 Bible Online

Ob'aria 1 - Te B'aib'ara bible

Ob'aria 1

¹Aio ana taeka ni burabeti Ob'aria, ake E taekin te UEA ae rietaata i bukiia aomatan Etom. E a tia te Atua ni kanakoa Ana tia uarongorongo nakoia botannaomata nako, ao ti a tia n ongo ana rongorongo: “Tauraoi! Ti a nako ni buakana Etom”

²E taku UEA nakon Etom, “N na kamamaarako; ao a na bane aomata ni katinanikuko.

³Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

⁴E ngae ngke ko karaoa mwengam n taabo aika rietaata, n ai aron ngaon te ikare, n te aro are kaanga ko a mena i buakon itoi, ma N na bon katikiko naba rikaaki.

⁵“Ngkana a roko taan iraa n te bong, ao a na bon tii anai baike a tangiri. Ngkana a kiniki uaan kureebe aomata, ao a na bon tiku naba tabeua uaan te kureebe. Ma ngkana a roko ami kairiribai ao a na bon kamatei ngkami ni kabane.

⁶A kurib'aiaki kaub'aimi kanoan Etau!

⁷E a tia ni kam'aneko am itabon; a tia ni karekea te anga are ko na kitana iai abam. Aomata aika ko iraorao ma ngaia, bon ngaia aika a na ekinakoko. Raraom aika ko itabon am'arake ma ngaiia, bon ngaiia aika a na kam'aneko; A kakanikoko ao a kaangai, ‘E ngaa te baere rabakaum?’

⁸“N na bon tiringiia ana taan rabakau Etom, ngkana I katuaaea n te bong arei ao N na kamaunaa aia ataib'ai ni kabane.

⁹A na bane ni maaku taan un mai Teman, [1] ao a na bane n tiringaki tautian Etom. [2]

¹⁰“Akea tokin kamamaeam ma uruam Etom i bukina ngkai ko a tia ni iraeia ma n tiringa tarim [3] ae kanoan Iakob'a, ko na bon kamaunanakoaki n aki toki.

¹¹Ko matakuakina tarim ngke e niniaki ao n urubekeaki ana tabo irouia ana kairiribai. Ai aron ae raoia naba ianena ngkoe ake a uotii nako kaub'ain Ierutarem man tib'atib'ai aoia.

¹²Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

¹³Ko bon riai n aki ninia aia kaawa au Aomata, ni b'ainingareia ngke a rawaawata ao ma n kurib'ai kaub'aia i nanon te bong are a buakanaki iai.

¹⁴ko bon riai n aki tei i tutaan kawai n tauia ake a birinako n rawei maiuia Ko bon riai n aki anga ngaiia nakoia aia kairiribai n te tai are a rawei maiuia iai.

¹⁵“N nang karokoi aia bong botannaomata b'a N nang katuaaia. Ngkoe ae Etom, e na manga bon okiriko te b'ai are ko a tia ni karaoia. E na bon reireiniko am m'akuri.

¹⁶A tia ni mooi au Aomata ni m'angkon oreia ae kamangingi i aon Au tabuki are e tabu [4] Ma botannaomata aika katobibira ana bane ni mooi n te mooi ae maai ae m'angkon te katuaaeaki; ana mooi ni kabanea n akea nikirana.

¹⁷“Ma a na birinako tabem'aang man te maunga are Tion, ao e na riki b'a te tabo ae e tabu. A na manga abana te aba kanoan Iakob'a ngkai bon abaia te aba.

¹⁸Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

¹⁹“A na aban aaba ake i maiaki ake i Etom aomatan Iuta; ao a na aban aaba ake i maeao ake i Biritia aomatan aaba ake a aoraoi ma n rinano A na aban aaba ake i Meang ake i Eberaim ma Tamaria aomatan Iteraera; A na aban aaba ake i mainiku ake i Kireata kanoan Beniamin.

²⁰A nang oki taenikai ake aomatan Iteraera meang ao a na buaka ma n taua Kanaan (Boinikia) nakoiang n toki i Tareb'ata. A na taua te kaawa are Iuta maiaki taenikai ake aomatan Ierutarem ake a mena i Teberata.

²¹Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”