Read Te B'aib'ara Warekaia Iteraera 13 Bible Online

Warekaia Iteraera 13 - Te B'aib'ara bible

Warekaia Iteraera 13

¹Ao E taku te UEA nakoni Moote,

²“Rineia taani kairiri mani baronga nako, ao kanakoia nako Kanaan b'a a na tuoa aon te aba ae N nang anganingkami b'a abami.”

³Ma ngaia are, e na kanakoia tengaun ma uoman taani kairiri man baronga nako, man aia maeka Iteraera n Rereuan B'aran ma taiani kaetieti i bukin tuoan te aba are Kanaan.

⁴Ao aikai araia

⁵Tiammua are natin Takuura man te baronga are Reuben,

⁶Tiabata are natin Ori man te baronga are Timeon,

⁷Kareb'a are natin Iebunne man te baronga are Iuta,

⁸Ikara are natin Ioteb'a man te baronga are Itakara,

⁹Otea are natin Nun man te baronga are Eberaim,

¹⁰Bareti are natin Rabu man te baronga are Beniamin,

¹¹Kariera are natin Tori man te baronga are Teburun,

¹²Kari are natin Tuti man te baronga are Manate,

¹³Ammiera are natin Kemari man te baronga are Taan,

¹⁴Tetura are natin Mikaere man te baronga are Atera,

¹⁵Nabi are natin Bobeti man te baronga are Nabetari,

¹⁶Keuera are natin Maki man te baronga are Kata.

¹⁷Ao e taku Moote nakoia i m'aain kanakoaia nako Kanaan: Ngkana kam a tia n ri nanon Rereuan Kanaan are i maiaki, ao kam na reita nako kawaimi nako iang ni karokoa kam roko n aaba ake a tabukibuki,

¹⁸ao kam na kakaea raoi b'a tera aron aono akanne, ao i mwiin anne, ao kakoaua raoi b'a kam na uringnga b'a iraman aomata ake a maeka ikekei, ao e uara korakoraia,

¹⁹a maeka kaaina ni kaawa aika aki nonoaki ke ni kaawa aika nonoaki. A maiuraoi aoia n te ununiki, ao taraia raoi naba b'a baikara arokan aona.

²⁰Bon tain ngkai tawaan uaani kureebe, ma ngaia are, kam na uoti rikaaki uaan arokana tabeua akana maiu i aona.

²¹Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

²²Ao ngke a ri nanon te Rereua are i maiaki, ao a roko n te kaawa are Eberon, are bon te ikawai riki nakoni kaawan Aikubita are Toan, b'a itiua ana ririki i aona. I Eberon ao a nooria teniman kaain Anakim [30] man baronga ake Aiman, Tetiai, ao Taremai.

²³Ao ngke a roko n te M'arua are Etikora (Amwi), ao a koroi m'angani kureebe aika korakora,

²⁴ma amwi ni kureebe i aoia, ae e nakon uoman taan amoia, ao bon anne bukina ngkai e aranaki iai te tabo arei b'a te M'arua are Amwi. Ao a uoti rikaaki naba taiani bamkuranete [31] ma biiku.

²⁵Ao i mwin tuoakin te aba are Kaanan i rouia i nanon abwi te bong,

²⁶ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

²⁷ao a taku: Noori uanikai aikai! E rawata te miriki ma ana karewe te manibeeru n te aba are ti tuoa aona arei.

²⁸Ma ti te kanganga b'a a korakora aomata ake a maeka ikekei, ao a buubura naba aia kaawa, ma n nonoaki. Ao ti noriia naba aintoa ikekei.

²⁹Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan [32] i mataniwiin Taari are te Mereterenian, ao mataniwiin naba te karaanga are te Ioretan.

³⁰Ao e tuangiia aomata Kareb'a b'a a na aki karongoa, ao e taku, “Ti na nako n taua te aba. I ataia b'a e na reke i roura!”

³¹Ma a kaeka mm'aane ake tabeman, ao a taku, “A rangi ni korakora riki aomata akekei nako ira.”

³²Ao a maningongoa te rongorongo ae kaangai, “Ti aki kona n ununiki ikekei b'a e mate tanona, ao aomatana bon taian aintoa.

³³Ao ti bon nooriia raoi kaain Nebiri ake boni ngaiia aia bakatibu kaain Anaka. A bon rangi ni buubura n te aro are ti a taku b'a kaanga ai aron taian taake ngaira.”