Read Te B'aib'ara Warekaia Iteraera 25 Bible Online

Warekaia Iteraera 25 - Te B'aib'ara bible

Warekaia Iteraera 25

¹Ao ngke a katei maeka Iteraera i Aketia, ao a wenenibure tabeman mm'aane ma ainen Moaba.

²Ao a kaoiia mm'aanen Iteraera aine aikai nakon taian botaki ike e anga te aba iai taiani karea nakon antiia. Ao a kang taian iriko mm'aane ake a reke man taiani karea, ao a taromauri antin Moaba.

³Ao E un te UEA irouia Iteraera i bukina ngke a taromauriia te anti are B'aara Beore.

⁴Ma ngaia are, E taku nakoni Moote, “Kairiia taani kairiri ake a karika te b'ai aei, ao tiringiia boni i matan au Um'antabunrianna ike a na kona n nooraki iai irouia aomata ni kabane. E na mena ngkoa, ao e a ti toki naba iai uniu i rouia Iteraera.”

⁵Ao e tuangiia aobitian Iteraera [78] Moote ni kaangai, “Kam na tiringiia mm'aane ake a taromauriia B'aara.”

⁶Ao ngke a maan teutana, ao a botaki Moote ao aomata n tang n te Um'antabunrianna, ao iai temanna m'anen Iteraera ae kaira raona kaain Miria [79] nakon te auti n rianna nakoia ana utu.

⁷Ao ngke e noora arei Bineati are natin Aaron te mm'aane, [80] ao e teirake ni kiitana te botaki. E anaa te kainiwai

⁸ao e taonrimwiia teuarei nakon te auti n rianna, ike e a ewara naba iai te mm'aane arei ma biroton neirei n te tai ae ti teuana. Ao E waekoa n toki unin te UEA n tiringaia aomata n te aoraki are kamamate arei,

⁹ma a tia ni mate 24,000.

¹⁰Ao E taku te UEA nakoni Moote,

¹¹“N na bon tia ni kamaunaia Iteraera ngke tao arona b'a e aki kakaonimaki Bineati nako Iu.

¹²Ma ngaia are, I a kab'arai aia bure n onea mwiin are N na bon katuaaia.

¹³I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

¹⁴Aran te mm'aane are e mate are Iteraera bon Timri are natin Taru te mm'aane, are boni ngaia temanna te tia kairiri man te baronga are Timeon.

¹⁵Ao ainen Moaba are e tiringaki ma ngaia bon Nei Kotibi, are bon natin te tia kairiri mai Miria ae arana Tura.

¹⁶Ao E taku te UEA nakoni Moote,

¹⁷A riki ngkai kaain Miria b'a aia kairiribai Iteraera, ma ngaia are, kam na buakaniia ma ni kataenikaiia!

¹⁸“A kam'aneia Iteraera b'a a na taromauria antiia are Beore. Ao boni ngaiia aika a na bukinaki ni maten Nei Kotibi are natin temanna aia tia kairiri.”