Read Te B'aib'ara Warekaia Iteraera 26 Bible Online

Warekaia Iteraera 26 - Te B'aib'ara bible

Warekaia Iteraera 26

¹Ao ngke E a tia te UEA ni katoka te aoraki are moan te kamamate man tiringakiia Iteraera, ao E taku nakon Moote ma Ereata are natin Aaron te mm'aane,

²“I tangiria b'a kam na kakaea b'a iraman Iteraera n aia utu nako. Ao ko na taui m'aitiia mm'aane akana 20 aia ririki ni maiu, ao i aona, akana a kona ni kaaina aia taanga ni buaka Iteraera.

³A katei maeka ngkai Iteraera i aon tabukin Moaba, i rarikin te karaanga are te Ioretan ni kaaitaraa te kaawa are Ieriko n iteran te karaanga are teuana. Ao a tuangiia Iteraera Moote ma Aaron

⁴te b'ai are E taekinna te UEA are warekaia mm'aane ake 20 aia ririki, ao i aona, n aron are a tia ni karaoia Moote ma aia bakatibu ngke a kitana Aikubita. [81]

⁵M'aitiia mm'aanen te baronga are Reuben are ana karimoa Iakob'a [82]

⁶bon 43,730.

⁷A nako mm'aane aikai man taiani kaainga ake Anoka, B'aru, Etiron, ao Karemi.

⁸B'aru bon taman Eriaba,

⁹ao tibun Nemuera, Ratan, ao Abiram. Bon aomata naba aikai ake a tia n rineaki irouia aomata, ma a ira ngkoa Kora, ao a kamangao nakoia Moote, Aaron ao te UEA.

¹⁰Ao E kauka aontano te UEA, ao e kab'autiia Ratan, Abiram, ao Kora. Ao ni bon te tai naba arei, a tiringaki naba 250 mm'aane n te ai b'a te b'ai n reirei nakoia nikiraia Iteraera. [83]

¹¹Ma a aki tiringaki te kaainga are Kora.

¹²M'aitiia kaain te baronga are Timeon bon 22,200

¹³ake man kaainga ake Nemuera,

¹⁴Iamin, Iakin, Tera, ao Tiaura.

¹⁵M'aitiia mm'aanen te baronga are Kata

¹⁶bon 40,500,

¹⁷ake man kaainga ake Tebon,

¹⁸Aki, Tuni, Otini, Eri, Arota, ao Areri.

¹⁹M'aitiia mm'aanen te baronga are Iuta bon 76,500

²⁰ake man kaainga ake Tiera,

²¹Bereti, Tera, Etiron, ao Amura.

²²A tia ni mate natin Iuta ake mm'aane ake Era ma Onan, ake a mate i Kanaan. [84]

²³M'aitiia m'anen te baronga are Itakara bon 64,300,

²⁴ake man kaainga ake Tora,

²⁵Buwa, Iatuba, ao Timron.

²⁶M'aitiia m'anen te baronga are Teburun bon 60,500,

²⁷ake man kaainga ake Tereta, Eron, ao Iareera.

²⁸M'aitiia m'anen te baronga are Manate

²⁹are natin Ioteb'a te mm'aane bon 52,700

³⁰ake man kaainga ake Makira,

³¹Kireata are natina te mm'aane,

³²ao aia kaainga tibuna mm'aane ake onoman,

³³Ietera, Ereka, Atiriera, Tekem, Temita, Ebere. Natin Ebere te mm'aane are Terobeata bon akea natina te mm'aane,

³⁴ma bon iai natina aine aika niman aika M'ara, Nooa, Okera, Mireka ao Tireta. [85]

³⁵M'aitiia m'anen te baronga are Eberaim are natin Ioteb'a te mm'aane bon 35,500

³⁶ake man kaainga ake Tutera,

³⁷Taan, ao Eran are natin Tutera te mm'aane.

³⁸M'aitiia m'anen te baronga are Beniamin bon 45,600

³⁹ake man kaainga ake Bera,

⁴⁰Atibera, Airam, Tebubam, Ubam,

⁴¹ao ai uana naba mairoun Areta, ao Naaman, ake natin Bera mm'aane ake uoman.

⁴²M'aitiia m'anen te baronga are Taan bon 64,400.

⁴³A bane n nako man te kaainga are Tuam.

⁴⁴M'aitiia m'anen te baronga are Atera bon 53, 400,

⁴⁵ake man kaainga ake Imna,

⁴⁶Itiwi, Beria, ao man kaainga ake Ebera, ma Marekiera ake natin Beria mm'aane.

⁴⁷Natin Atera te aine bon Nei Tera.

⁴⁸M'aitiia m'anen te baronga are Nabetari bon 45,400,

⁴⁹ake man kaainga ake Ietera,

⁵⁰Kuni, Ietera, ao Tirem.

⁵¹Bootan m'aitiia mm'aanen Iteraera ake a tauaki araia bon 601,730.

⁵²Ao E taku te UEA nakoni Moote,

⁵³“Ko na tib'a te aba are Kanaan i aoia baronga aikai. Anga te tib'a ae buubura nakon te baronga ae buubura, ao angan te baronga ae uarereke tib'ana ae uarereke,

⁵⁴b'a a aonga ni m'aiti riki abaia baronga ake a buubura nakon baronga ake a uarereke.

⁵⁵N na kaota nako im[86]

⁵⁶te aba are ko na aanga nakoia baronga n tatabeua nako, b'a a na karekea abaia n aron m'aitin are a kainanoia, ni kaineti ma m'aitin aia aomata i nanon aia baronga.”

⁵⁷A mena kaainga ake Kerition, Koata, ao Merari i nanon te baronga are Rewi,

⁵⁸ao ai uana naba ma te kaainga ake Ribeni, Eberon, M'ari, Muti, ao Kora. Taman Koata are kanoan Rewi bon Amaram,

⁵⁹are buun natin Rewi te aine are Iokebeta, are e bungiaki ngkoa i Aikubita. Natin Amram ma Iokebeta ake teniman bon Aaron, Moote, ao Miriam.

⁶⁰Aaron bon taman Nataba, Abiu, Ereata, ao Itama.

⁶¹Ma a tia ni mate Nataba ma Abiu ngke a anga te ai ae aki kukurei iai te UEA. [87]

⁶²Iai mm'aane, ao ataeinimm'aane, aika man teuana aia nam'akaina ni maiu ni waerake, i nanon te baronga are Rewi aika 23,000 m'aitiia. A aki warekaki i buakoia baronga ake tabeua, bukina ngke a reke abaia i Kanaan.

⁶³A warekia Iteraera Moote ma Ereata ngke a katei maeka i tabukin Moaba i rarikin te karaanga are te Ioretan ni kaaitaraa te kaawa are Ieriko n iteran te karaanga are teuana.

⁶⁴Bon akea te aomata temanna mai buakoia ake a warekaki ngkoa iroun Moote ma Aaron n te wareaomata are e karaoaki n Rereuan Tinai ae tiku ni maiu,

⁶⁵ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei. [88]