Read Te B'aib'ara Warekaia Iteraera 33 Bible Online

Warekaia Iteraera 33 - Te B'aib'ara bible

Warekaia Iteraera 33

¹Ngke a m'ananga Iteraera i aan ana kairiri Moote ma Aaron,

²ao Moote, e taui aran taabo ake a katei auti n rianna iai, n aron reireiana iroun te UEA. Ao aio tauan rongorongon m'anangaia:

³A kiitana kaawan Aikubita are Rameteti Iteraera ni katebwi ma nimauan bongin te moan nam'akaina. [127] Bon aei te bong are i mwiin katuaeakiia antin Aikubita iroun te UEA ngke E tiringiia nati mm'aane aika karimoa n aia utu nako kain Aikubita ni kabane.

⁴Ma ngaia are, ngke a tabe n tauniia maate, ao a tarataraia Iteraera ngke a tabe ni kakatonga [128] ni m'anangaia ni kiitana abaia.

⁵Ao ngke a tia ni kiitana Rameteti Iteraera, ao a katei auti n rianna i Tukota,

⁶ao a manga kam'ainga aia maeka mai ikanne nako Etam i mataniwiin te rereua.

⁷Ao i mwiina, a manga rairaki nako Bi Airota, are i mainikun B'aara-Tebon, ao a manga katei auti n rianna i Miketora.

⁸A manga kitana Bi Airota [129] ri nanon Taari are Mate, [130] ao i mwiina, a m'ananga i nanon tenibong nakon Rereuan Etam, ao a katei auti n rianna i Maara.

⁹Ao i mwiina, a manga katei maeka i Erim, ike a mena iai tebwi ma uoua taian koburake n ran ao itingaun aroka aika baam.

¹⁰A manga kitana Erim ao ni maeka i rarikin Taari are Uraura, [131]

¹¹ao a manga rairaki nako mainiku, ao a katei maeka i mataniwiin Rereuan Tinai are mai maeao. [132]

¹²Ao mai ikanne,

¹³a manga nako Tobika, Aruti, ao Rebirim,

¹⁴ike akea iai aia ran. [133]

¹⁵A kitana Rebirim, ao n tokina a roko n Rereuan Tinai.

¹⁶Ao ngke a m'ananga Iteraera man Rereuan Tinai nako Kateti n Rereuan Tin,

¹⁷ao a katei maeka i Kiberota Ataawa,

¹⁸i mwiina, Aterota,

¹⁹i mwiina, Ritema,

²⁰i mwiina, Rimmon bereti,

²¹i mwiina, Ribena,

²²i mwiina, Rita,

²³i mwiina, Keerata,

²⁴i mwiina, te Maunga are Tebera,

²⁵i mwiina, Arata,

²⁶i mwiina, Makerota,

²⁷i mwiina, Taata,

²⁸i mwiina, Tera,

²⁹i mwiina, Miteka,

³⁰i mwiina, Moterota,

³¹i mwiina, Bene iaakan,

³²i mwiina, Ora akitekata,

³³i mwiina, Ioteb'ata,

³⁴mwiina, Aberona,

³⁵i mwiina, Etion Keeb'a,

³⁶ao te kabanea Keteti.

³⁷Ao ngke a kitana Kateti, ao a roko n te Maunga are Ora, i aon tian Etom.

³⁸Ao arei te tabo are e tuangaki iai Aaron iroun te UEA b'a e na tam'arakea te maunga. Ao e mate Aaron ikekei ni moanibongin te kanimaua n nam'akaina, [134] abwi te ririki i mwiin kitanan Aikubita irouia Iteraera.

³⁹Ai bon 123 ana ririki ni maiu n te tai anne Aron ngke e mate.

⁴⁰Ao te uea are uean Arata, are uean Kanaan are maeka n te rereua are i Maiaki i Kanaan, e ongo taekaia Iteraera b'a i aon kawaia n roko.

⁴¹A kiitana te Maunga are Ora Iteraera,

⁴²ao a kaineta Moaba.

⁴³Ao aikai taabo ake a katei maeka iai i aon kawaia:

⁴⁴Taremona, Bunon, Obota,

⁴⁵Iie abarim are n aban Moaba,

⁴⁶Ribon kata, Aremon riberataim,

⁴⁷n te tabo are i rarikin te Maunga are Nebo ni Maungan Abarim,

⁴⁸ao te kabanea, n aaba ake a rinano i Moaba i rarikin te Karaanga are te Ioretan i Ieriko ni iteran te karaanga are teuana.

⁴⁹Ao e a bon wenenako naba aia maeka mai Beta Ietimota nako Akatia.

⁵⁰Ao ngke a maeka Iteraera n aaba ake a rinano i Moaba i rarikin te Karaanga are te Ioretan ni kaaitaraa Ieriko n iteran te karaanga are teuana, ao E tuangaki Moote iroun te UEA

⁵¹b'a e na taekina Ana rongorongo nakoia Iteraera ae kaangai: Ngkana kam ri aon te Karaanga are te Ioretan ma n niniia Kanaan,

⁵²ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

⁵³Ao i mwiina, kam na maekana te aba---I a tia n anganingkami b'a abami.

⁵⁴N na kaota nako imi [135] aron tib'atib'aakin te aba i aoia baronga, ni kaineti ma m'aitin taian kaainga n ami baronga n tatabeua nako.

⁵⁵Ngkana kam aki kakioia nako aomata ni kabane akekei, ao ane a na riki b'a kaanga taian kai aika kakang i nanon matami, ao taian m'akei i nuukami. Ao ane a na riki b'a ami kanganga n taai nako,

⁵⁶ao N na karaoa ae aki raoiroi nako imi n aron are I a tia ni baaireia b'a N na karaoia nako ia.