Read Te B'aib'ara Akai 2 Bible Online

Akai 2 - Te B'aib'ara bible

Akai 2

¹N te kauabwi ma teuana ni bongin te nam'akaina are i mwiina,[4]

²E tuanga Akai are te burabeti te UEA b'a e na taekina te rongorongo nakon te Kowana are Terub'abera, te Ibonga ae Rietaata are Iotua, ao aomata nako:

³Iai iroumi ae e uringa mimitongin te Tembora ngkoa aei? Ngkai e taraa n akea bongana.

⁴Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

⁵n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu[5] iroumi ikai.

⁶N na ioioi taiani karawa ao te aonnaba, taari ao te aba ae m'au.

⁷N na ioioa taiani botannaomata, ao a na uoti kaub'aia[6] nako ikai. Ao ane e na kaona te Tembora raneanean mimitongiu.

⁸Au b'ai taian tirewa ao taian koora,

⁹I a tia ni berita b'a e na mimitong riki te Tembora ae e boou aei nakon are mai m'aaina. N na kakab'aiaa naba te kaawa aei[7] n anganna te rau.

¹⁰E tuanga te burabeti are Akai te UEA ae te Atua ae Moan te M'aaka ni kauabwi ma auan bongin te karuaiwa n nam'akaina,[8]

¹¹b'a e na buubutiia nakoia ibonga aia iango i aon b'aai aikai:

¹²Ngkana tao arona b'a e a tauraoi te iriko ni man b'a e nang kareanaki nakon te Atua ao e a tia n uotaki ni kunnikain temanna, ao e a boboo te kunnikai arei ma tabeua taiani kariki ke taian am'arake aika a tia ni kuukanaki ke te wain ke b'aan te oriwa, ke taian am'arake nako. A na kariaiakaki am'arake aika a tia ni boboo ma te kunnikai b'a a na riki b'a taiani karea? Ao a na kaeka ibonga ni kaangai, “A na bon aki.”

¹³Ao e taku Akai, “Ngkana tao arona b'a iai temanna ae e riinga te mate ao e a atongaki b'a e a aki kariaiakaki n taromauria te Atua. Ao ngkana arona b'a e a manga riinga te am'arake aei te aomata anne, a na konaa ni manga riki ni kam'araa?” Ao a kaeka ibonga ni kaangai, “Eng, a na bon kam'araa.”

¹⁴Ma ngaia are, e tuanga Akai te UEA b'a e na kaangai: Ao ai anne naba arona nakon te botannaomata ni kabane aei. A bane ni butim'aeaki b'aai nako aika ko karaoi ao b'aai nako naba aika ko karean nako iu.

¹⁵Ma man te tai aei, a na rikirake n raoiroi b'aai nako. I m'aain kawenean aan te Tembora,

¹⁶ko kataia n uringa te maiu b'a e kangaa ngkoa arona i nanon boong ake a tia n nako. Ngkana ko kainanoa 200 te rawawata ni uita, ao bon ti 100, ao ngkana ko kainanoa 100 te riita, ao e na bon tii 40.

¹⁷N na karaoi am m'akuri korakora ni kabane b'a baika akea manenaia b'a N na karokoa te bekabeka ni kaai, te bwebwee n aoi, ao te karau te aiti-ma ko bon aki naba rairaki nako iu, Ngai ae te UEA.

¹⁸Ko a tia ni katab'anina karaoa aan au Tembora n te bong aei, ma ngaia ae, ko na ongora b'a tera kanoan am bong aika a na roko.

¹⁹E ngae ngke ko tuai taiia te uita, te kureebe, te biiku, te bomkuranete,[9] ke te oriwa, N na karimoa kakab'aiam tabeua te bong i m'aaim.

²⁰Ao E a manga taetae te UEA nakon Akai n te bong naba anne ni kaangai:

²¹Ko na tuanga te kowana i Iuta b'a N nang ioioi taiani karawa ao te aonnaba

²²ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

²³Ma ko na tuanga au tia m'akuri are Terub'abera b'a I a tia Ngai ae te UEA ae Moan te M'aaka n rineia, b'a e na tautaeka n arau.[10]