Read Te B'aib'ara Tekaria 4 Bible Online

Tekaria 4 - Te B'aib'ara bible

Tekaria 4

¹E kautai te anera are e kab'arab'ara te mii nako iu b'a kaanga ai aron ae I matu.

²Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

³Tekaina te aroka te oriwa e mena i angaatain nnen te oera, ao are te kaina i maingina.

⁴Ma teuae ko karineaki, tera nanon baikai?”

⁵Ao e titiraki ni kaangai, “Ko bon aki ataia?” Ao I kaeka ni kaangai, “I aki ataia teuae ko karineaki.”

⁶Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera.[10] Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

⁷Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”[11]

⁸E a manga taetae te UEA nako iu ni kaangai:

⁹Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

¹⁰Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei.[12] Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

¹¹Ao i mwiina, I titirakina te anera ni kaangai, “Ao tenaan ra aroka ake taian oriwa ake ni iteran te kaintaura are teuana? A tei i bukin tera?

¹²Ao tera nanon taiani m'aanga ake uoua are e raanga mai iai b'aan te oriwa are te koora[13] i nanon te b'aibu are te koora?”

¹³Ao e titiraki ni kaangai, “Ko aki ataa anne?” Ao I kaeka ni kaangai, “Teuae ko karineaki, I aki ataia.”

¹⁴Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki [14] are e tei i rarikin te UEA n te aonnaba ni kabane.”