Read Te B'aib'ara Mataio 1 Bible Online

Mataio 1 - Te B'aib'ara bible

Mataio 1

¹Bokin araia ana bakatibu nako Iesu Kristo, are riki mairoun Tawita are riki mairoun Aberaam.

²E karikaki Itaaka iroun Aberaam; ao Itaaka e karika Iakob'a; ao Iakob'a e karika Iuta ma tarina nako;

³ao Iuta e karika Bereti ao Teera iroun Nei Taama; ao Bereti e karika Etiron; ao Etiron e karika Ram;

⁴ao Ram e karika Amminataba; ao Amminataba e karika Nation; ao Nation e karika Taremon;

⁵ao Taremon e karika Boati iroun Nei Raaba; ao Boati e karika Obeta iroun Nei Ruuta; ao Obeta e karika Iete;

⁶ao Iete e karika Tawita are te Uea. Ao Tawita e karika Toromon irouni bun Uria;

⁷ao Toromon e karika Reoboam; ao Reoboam e karika Abiia; ao Abiia e karika Ata;

⁸ao Ata e karika Ieotiab'ata; ao Ieotiab'ata e karika Ioram; ao Ioram e karika Utia;

⁹ao Utia e karika Iotam; ao Iotam e karika Aati; ao Aati e karika Etekia;

¹⁰Ao Etekia e karika Manate; ao Manate e karika Amon; ao Amon e karika Iotia;

¹¹ao Iotia e karika Iekonia ma tarina nako, n te tai are a kairaki nako iai Iteraera b'a taenikai i B'aburon.

¹²I mwin te kairaki nako B'aburon, ao Iekonia e karika Tearetiera; ao Tearetiera e karika Terub'abera;

¹³ao Terub'abera, e karika Abiuta; ao Abiuta, e karika Eriakim, ao Eriakim e karika Atora;

¹⁴ao Atora, e karika Tatoka; ao Tatoka, e karika Akim; ao Akim e karika Eriuta;

¹⁵ao Eriuta, e karika Ereata; ao Ereata, e karika Matan; ao Matan, e karika Iakob'a;

¹⁶ao Iakob'a, e karika Ioteb'a are bun Nei Maria, are E bungiaki mai rouna Iesu, are atongaki b'a Kristo.

¹⁷Bootaia ngkanne rooro ni bane mairoun Aberaam ni karokoa Tawita, bon tengauni ma a roro; ao mairoun Tawita ni karokoa te kairaki nako B'aburon bon tengauni ma a roro ao man te kairaki nako B'aburon ni karokoa bungiakin Iesu, bon tengauni ma a roro naba.

¹⁸Aio aroni bungiakin Iesu Kristo;[1] e a tia ni kabae tinana are Nei Maria ma Ioteb'a, ma i m'ain ae a mareaki ao e ataaki b'a iai te teei i birotona mairoun te Tamnei are Raoiroi.

¹⁹Ao Ioteb'a are buuna, ngkai te aomata ae nanoanga, ao e aki kani kamamaaea Nei Maria i mataia aomata, e reke ana iango b'a e na kab'ara aia kabae ni karaba taekana.

²⁰Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

²¹Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

²²A riki baikai ni kabane b'a a aonga ni kakoauaki ana taeka te Atua are E a tia n taekinna ngkoa te burabeti, ngke e kangai:

²³“Noria, ane e na kariki te kibono,[2] ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

²⁴Ngke e uti Ioteb'a mani matuuna, ao e karaoa are e tuangnga ana anera te Atua; ao e taanga ma Nei Maria,

²⁵ma e aki botaki ma ngaia ni karokoa e a tia ni bungia natina; ao e aranna Ioteb'a b'a Iesu.