Read Te B'aib'ara Te Tua-Kaua 14 Bible Online

Te Tua-Kaua 14 - Te B'aib'ara bible

Te Tua-Kaua 14

¹Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi. [69]

²E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

³Kam na aki kang man aika kawakawa aika ribaaki.

⁴Kam kona ni kana irikon te kao, te tiibu, te kooti, te tiibu ma te kooti aika aki manana; te katere, te anterobe, ao aekaki n ria ni kabane.

⁶A kona ni kanaki aekaki ni man aika kawakawa nako ake a manga ukin waeia, ao aika nnai kanaia ni manga kanti.[70]

⁷Ma kam na aki kang taiani kamero, taian raabiti, ao taiani kone. A nnai kanaia ni manga kanti maan aikai, ma a aki manga ukin waeia. Kam na araniia b'a maan aika kam'araa.

⁸Ao kam na aki kana naba irikon te beeki, i bukina b'a e manga ukin waena, ao e aki nnai kanana ni manga kanti. Kam na aki riinga naba te beeki ae mate bon i rouna.

⁹Kam kona ni kang ika aika iai ingiia, ao inaia. Ma a bon rawata maan aika maiu n te ran,

¹⁰ma ngkana akea ingiia ao inaia, ao kam na aki kang. Kam na atongiia b'a a kam'araa.

¹¹Kam kona ni kang mannikiba aika a aki kam'araa.

¹²Ma kam na aki kang maan aikai: taiani ikare, taiani ikare are te kia, taian aotibure, taiani kirete, taian baokan, taian kaite, taian reeben, taian aotitereti, taian aoki ni bong, taian timu, taian aoki, taian aore ae uarereke, taian aore are ab'ab'aki, taian aore are iai korona, taian berikan, taian barotia, taian komorante, taian taoki, taiani iran, taiani uboi, ao taiani bate.[71] Kam na aki kana te bate.

¹⁹A na atongaki naba maan aika uarereke ae a b'arikoriko ni m'ananga b'a a kam'araa, ma ngaia are, kam na aki kang.

²⁰Ma e ngae n anne, ao kam kona ni kang maan aika uarereke ake iai baiia ni kiba. [72]

²¹Kam na b'ainaki iroun te UEA ae Atuami, ma ngaia are, ngkana kam kuba ni kunea te man ae mate, ao kam na aki kana irikona. Kam na anganiia ianena ake a maeka i abami, ke kabooa nakoia ianena akana roko i abami. Kam na aki kaburoa te kooti teteei i nanon rannimamman tinana.

²²Kaain Iteraera, kam na kaokoroi katebwina ni m'akoron ami uita ake kam tai ni katoa ririki.

²³Ao kam na kaokoroi naba katebwina ni m'akoron ami wain ao b'aan te oriwa, ao karimoaia ami kao ni kabane, ma ami tiibu, ao ami kooti. Kam na uoti baikai nakon te tabo are E a tia n rineia te UEA b'a te tabo n taromauri, ao kam na kang ikekei. Kam na karaoa aei b'a kam aonga n rabakau aromi ni karinea te UEA ae Atuami.

²⁴Ma ngkana kam aki kona ni uoti ami kabwianib'ai nakon te tabo are a tia n rineia te UEA b'a te tabo n taromauri b'a tao a rangi n raroa taabo ake kam maeka iai, ke tao a rangi ni buubura ami kabwianib'ai n aron are a tia n anganingkami te UEA,

²⁵ao kam na kabooi nako, ao anaa te m'ane.

²⁶Ao ngkana kam roko ma ami utu, ao kam na kabongana te m'aane anne ni kabooi am'araken te bootaki anne. Kaboa te kao, te tiibuteteei, te kooti, te wain, te biia, ao ngkana iai riki aekaki n am'arake aika ko tangiri, ao kabooi naba.

²⁷Ao ngkai akea abaia kanoan Rewi are a na ununiki iai, ao kam na uringiia ni kaoia b'a kam na bootaki ma ngaiia.

²⁸Baike kam kakamanenai ngkoa n taiani bootaki aika buubura ake taiani kabwianib'ai ma taian tai ni katoa tenua te ririki, kam nang uoti nakon ni kaawakin n te autinib'ai are n te kaawa.

²⁹Bon akea abaia kanoan Rewi, ma ngaia are, kam na anganiia kanaia man te autinib'ai. Ao kam na anganiia naba kanaia aomata aika kainano, n reitaki ma ataei aika akea aia karo, aine aika akea buuia, ao taian iruwa,. Ngkana e reke kanaia ae tau nakoia, ao ane E na kukurei iai te UEA ae Atuami, ao E na katekeraoingkami ni b'aai ni kabane akana kam karaoi.