Read Te B'aib'ara Iotua 16 Bible Online

Iotua 16 - Te B'aib'ara bible

Iotua 16

¹A anganaki ana kariki Ioteb'a aaba ake i aontia ake i maiaki b'a abaia are e moa mai mainikun koburaken raan i Ieriko are i rarikin te karaanga are te Ioretan. Ao e biri mai Ieriko ni kaineta meang maeao nakon te rereua ao ni manga ri aon aaba ake a tabukibuki ao e toki i Betaera.

²Ao mai Betaera nako Ruti n ri nanon Atarota-ata n te tabo are a maeka iai taian Akaite.

³Ao e a manga wairio nakon aia tabo I-Iabereti ni karokoa Beta-oron i nano, ao mai ikanne nako Ketera, ao e toki n taari are te Mereterenian.

⁴Ao a anganaki ana kariki Ioteb'a, ao te baronga are Eberaim ao Manate i maeao te aba aei b'a abaia.

⁵Aio abaia utuun te baronga are Eberaim: E moa tian abaia mai Atarota-ata ni waerake nako Beta-oron i ieta,

⁶ao ma ikanne nakon taari are te Mereterenian. Ao Mikemetata e mena i meangiia. I mainikun tiaia ao e b'aoua nako Taanatatiro ni manga ri rarikina nako mainikun Ianoa.

⁷E a manga ruorikaaki mai Ianoa nako Atarota ao Naara, ni karokoa Ieriko ao n toki n te Ioretan.

⁸Te tia e nako maeao mai Tabua nakon te karaanga are Kaana ao n toki n taari are te Mereterenian. Aio te aba are anganaki utuun te baronga are Eberaim b'a abaia,

⁹n reitaki ma kaawa naba aika a uarereke ake a mena i nanon abaia te baronga are Manate, ma e anga kaawa aikai Iotua nakoia utuun te baronga are Eberaim b'a abaia.

¹⁰Ma aki kakioia nako kaain Kanaan ake a maeka i Ketere, ma ngaia are a bon tiku ni maeka kaain Kanaan i buakoia aomatan Eberaim man taai akekei ni karokoa boong aikai, ma a kam'akuraki ni m'akuri aika rawawata n ai aroia tooro.