Read Te B'aib'ara Tani Motiki-taeka 3 Bible Online

Tani Motiki-taeka 3 - Te B'aib'ara bible

Tani Motiki-taeka 3

¹Ao iai riki bukin katukaia kairiribai aikai iroun te UEA. A tangiria Iteraera n reireiniia aron te buaka, n aron are a tia ni karaoia aia bakatibu. A riai n reireinaki kaain te roro teuana ma teuana aron buakanakiia

³kaain Biritia ma aia taan tautaeka ake nimaua, ao ai uana naba ma kaain Kanaan, kaain Titon, ao kaain Eta ake a maeka ni Maungan Reb'anon man te Maunga are B'aaraoman nako Kawain Amata. [14]

⁴E a tia Moote n tuangaia Iteraera te b'ai are a na karaoia, ao ngkai E a kabonganaia botannaomata aikai te UEA n tuoa ongotaekaia Iteraera.

⁵Ma a rawa. Ao E bon karaoa naba aei te UEA i bukiia kaain Kanaan, kaain Eta, kaain Amora, kaain Beriti, kaain Iwa, ao kaain Iebuti ake a maeka n taabo nako i rarikiia. Ao a iein tabeman Iteraera ma kaain botannaomata aikai, ao bon anne moan reken taromauriaia atua riki tabeman irouia.

⁷Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.

⁸Ao E un te UEA n te m'akuri aei, ao E a kataenikaiia Iteraera iroun te uea are Kutianritiataim are uean Turia Meang, [15] are e tautaekanna Iteraera i nanon wanua te ririki ma n rikoi aia roonrab'ata aomata nako.

⁹Ao a bubutiia te UEA Iteraera buokaia, ao E rinea Oteniera b'a e na kamaiuia. Bon natin Kenati are karimwiin Kareb'a Ten Oteniera. [16]

¹⁰Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

¹¹ao e tiku n rau Iteraera ni karokoa maten Oteniera tao e kaaniia 40 te ririki i mwiina.

¹²Ao a manga aki ongotaeka naba Iteraera iroun te UEA. Ma ngaia are, E kataenikaiia Iteraera te UEA iroun te uea are Ekeron are uean Moaaba,

¹³ake a bootaki aia taanga ni buaka ma tautian Ammon ao tautian Amareka ni buakaniia Iteraera. A taua Ieriko [17] ana taanga ni buaka Ekeron.

¹⁴Ao i mwiina, e tautaekana Iteraera i nanon 18 te ririki ma ni karawawataia aomata n te roonrab'ata.

¹⁵Ao a bubutiia te UEA Iteraera buokaia, ao te UEA e rinea Euta [18] man te baronga are Beniamin b'a e na kamaiuia. A rinea Euta b'a te tia rikoa te roonrab'ata nakon te uea are Ekeron, ma i m'aain nakon Euta, ao e karaoa te kabaang ae uaitera wiina. Bon te aomata ae maing Euta, ma ngaia are, e kabaea ana kabaang i babatina are te angaatai, ni karaba i aan niiniirana.

¹⁷Ao Euta ma Iteraera tabem'aang a rikoi taian roonrab'ata nakon Ekeron, are bon te aomata ae marikarika. Ao n te tai are a anga iai taian roonrab'ata nakon Ekeron, ao e taku Euta b'a e a bo tain okiran te auti.

¹⁹Ao e m'ananga nako Euta ma Iteraera tabem'aang ni karokoa rokoia n taian bouananti [19] i Kirekara. [20] Ao e tanrikaaki ao e tam'arake nakon te ru are m'aitoro i eta [21] ike e mena iai ana kaintokanuea Ekeron. Ao e taku Euta, “Teuae ko karineaki! I kan maroroo teutana ti ngai ma ngkoe.” Ao a otinako ana aobitia man te ru, ao e tei Ekeron ngke e tabe ni m'ananga Euta ni kaaniia. Ao e taku Ekeron, “Tai baaku moa n taetae.” Ao a otinako ana aobitia man te ru, ao e tei Ekeron ngke e tabe n roko Euta ni kaaniia. Ao e taku Euta, “Eng, bon iai Ana rongorongo te UEA nakoim.”

²¹Ao e buuta ana kabaang Euta ni maingina ao e karinna i biroton Ekeron

²²n te aro are e rinnako naba kaintauan te kabaang ni kiriitin birotona. Ao e katuka te kabaang Euta n arona arei. Ao ngke a tia n rokani taiani mataroa, ao e a ruo man te winto nakon te b'aranta [22]

²⁴ao e taonnako. Ao ngke a oki ana aobitia te uea, ao a nooria b'a a roka taiani mataroa, ao a taku, “Bon te uea ane i nanona ma tao e rairaki.”[23]

²⁵Ao a teitei ikekei ni karokoa ae a kua, ma e bon aki roko n te kauki naba taiani mataroa Ekeron. Ni karokoa ae a bon kauki taiani mataroa ao a kunea aia uea ni wene ni mate i aon te burooa.

²⁶Ao n te tai anne, e a tia ni birinako Euta ri rarikin taiani bouananti. [24] Ao e nako Euta nakon te kaawa are Teira

²⁷n aaba ake a tabukibuki i Eberaim, ao e katanga te bu are te kanikina.

²⁸Ao a bane ni bootaki Iteraera, ao e takaarua ni kaangai, “Kam na irai, ao E na buokingkami te UEA ni kataenikaia kaain Moaaba.” Ao a ira Euta Iteraera nakon te karaanga are te Ioretan, ao a taui taabo ake a riri nanon te Ioretan iai aomata are te kawai nako Moaaba. A bon tuukia aomata b'a akea ae na ri nanona,

²⁹Ao i m'aain are e toki te buaka, a tiringiia e kaaniia 10,000 tautian Moaaba--akea temanna ae birinako n rawea maiuna.

³⁰E bon rangi ni konaaki buaka Moaaba, ao e bon rangi ni maan manga kaokan korakoraia ni manga buakana riki Iteraera. Ao e tiku n rau Iteraera i nanon 80 te ririki.

³¹Te kauoman n aomata ni kamaiuia Iteraera bon Tiamka are natin Anata te m'aane. E kabonganaa te kai ae kakang tabona [25] n tiringiia iai onobubua kaain Biritia.