Read Te B'aib'ara Tani Motiki-taeka 8 Bible Online

Tani Motiki-taeka 8 - Te B'aib'ara bible

Tani Motiki-taeka 8

¹Ao a taku kaain Eberaim nakon Kiteon, E aera ngkai ko aki weteira ngke kam nako ni buakaniia kaain Miiria? E aera ngkai ko karaoa aei nakoira? Ao a ngurengure i bukin arei.

²Ao e taku Kiteon: Kam na aki kab'arai nanomi. E ngae ngke kam a tib'a roko, ma e buubura riki are kam a tia ni karaoia nakon are I karaoia. Bon ti te bo ma tain te tai i bukin te kureebe: A rangi n raoiroi riki aia kureebe ami baronga ake a aki tabe ma kinikakin uaaia nakon raraoin kureeben ara utu ake a uniki.

³Ao i rarikin anne, E a tia te UEA n rineingkami b'a kam na taua Reeben ma Kameanti. E bon tuai man reke irou te aekaki ni m'akuri anne. Ao ngke a bane ana taeka Kiteon, ao a rau nanoia m'aanen Eberaim, ao e a toki uniia.

⁴Ao ngke a tia Kiteon ma ana tautia ake 300 n kakioia kaain Miiria ni karokoa rokoia n te Karaanga are te Ioretan, ao a rootaki n te kua.

⁵Ao e uakaan ma ngaiia te kaawa are Tukota, ma ngaia are, a nako iai ao a bubuti kanaia ni kaangai, Taiaoka karekea kanaia kaain ara taanga ni buaka. Ti a rangi ni kua, ma ti riai ni kakioia uean Miiria ake Teba ao Taremunna.

⁶E aera ngkai ti na kam'arakeia kaain ami taanga ni buaka, ao ti aki ataia b'a kam na bon tokanikai i aoia uea ake Teba ao Taremunna ke kam aki.

⁷Ao e taku Kiteon, Ngkana E tia te UEA ni buokai ni kataenikaiia, ao I a manga okiriko ikai. N na karaoa te kainikataere man taiani kai aika kateketeke ma ni kataereko ni ua a kibanako irikom man riim.

⁸Ao i mwiin kitanakin Tukota, ao e nako Kiteon nako Benuera ao e bubuti kanaia ana taani kairiiri iai. Ma bon ti te bo naba te kaeka are anganaki iai n aron are i Tukota.

⁹Ao e taku Kiteon, N na manga bon oki n akea te kaangaanga, ao ngkana I oki, ao N na kamaenikuna am taua. [54]

¹⁰A mena Teba ma Taremunna i Karekora [55] aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.

¹¹Ao Kiteon e ri mainikun aia kaemb'a aia kairiribai n te Kawai are Nomate [56] ri rarikin Nob'a ao Iokebea. Ao a buakaniia n te aro ae karina,

¹²ao a takakaa aia tai aia kairiribai. Ao a kataia ni birinako Teba ma Taremunna, ma a kaeaki iroun Kiteon ma n tauaki.

¹³Ao e a nako n okira mwengana Kiteon i mwiin te buaka. Ao ngke e a ri nanon Kawain Ereti,

¹⁴ao e reke i rouna te rorobuaka ae maeka i Tukoka. Ao e titirakinna Kiteon b'a antai taian Aobitia i Tukoka, ao te rorobuaka arei e koroi araia 27.

¹⁵Ao e nako Kiteon nakoia aobitian te kaawa arei ao e taku, Ao aikai Teba ma Taremunna. Kam uringa ngkoa ngke kam kaenaenaai? Kam taku, Tiaki ataia b'a a na konaaki iroumi uean Miiria akanne ke a na aki. Ma ngaia are, e aera ngkai ti na kam'arakeia ami tautia aika a kua?

¹⁶Ao e a karaoa te kai ni kataere Kiteon man kaai aika kateketeke, ao e kataereia iai taian aobitia.

¹⁷Ao i mwiin anne, ao e nako ni kawara Benuera, ao e kab'aka te taua ma n tiringiia taian aobitia ni kabane [57] n te kaawa arei.

¹⁸Ao e taku Kiteon, Teba ao Taremunna, kam na tuangai rongorongoia m'aane ake kam tiringiia i Tabora. Ao a taku uea ake uoman akekei, Bon te ti te bo ma ngkami. Ti te bo taraaia ma taiani uea.

¹⁹Ao e taku Kiteon, Bon tariu ni kaan aomata aikanne. I berita n aran te UEA ae maiu b'a ngke arona b'a kam kamaiuia, ao N na boni kamaiungkami naba.

²⁰Ao e rairaki Kiteon nakon natina are te karimoa are Ietera ao e taku, Tiringiia. Ma e rawa Ietera [58] ao e maaku n tiringiia, ao e maaku naba ni buuta ana kabaang.

²¹Ao a taku Teba ma Taremunna, Bon tiringiira ngkoe. Tai babakanataei. Ao e kibariia n tiringiia ni kauoman Kiteon. Ao e anai taiani b'aini katamaroa aika koora ake i roroaia kaamero.

²²Ao i mwiin te buaka ma kaain Miiria, ao a taku Iteraera, Kiteon, ko kamaiura? Ao ngkai ti tangiria b'a ko na riki b'a ara uea. Ao ngkana ko mate, ao e na manga uea natim te m'aane, ao i mwiina tibum te m'aane.

²³Ao e taku Kiteon, I aki, I aki kan riki b'a te uea, ao a na aki riki naba b'a uea natiu. B'a bon ti te UEA ami tia tautaeka.

²⁴Ma N na butingkami te b'ai teuana. Anganai b'aai ni kabane ake kam karekei mai rouia ami kairiribai. Bon kaain Itimaera ami kairiribai ngkoa, [59] ake a kakabonakoi taian taabia aika koora.

²⁵Ao a taku tautian Iteraera, Eng, ti na anganiko taian taabia koora. Ao a taakina te niiniira i aon tano ao kaaki i aona taiani koora.

²⁶Ao bootan rawawatan taiani koora bon 40 te b'auna rawawataia. Ao i rarikin aikanne, ao iai naba taiani koora ake a reke man b'ainikatamaroan taiani kaamero ao man taian b'ai ni katamaroa naba ake a b'ab'aini uean Miiria. Ao e anai naba taiani niiniira aika uraro Kiteon.

²⁷Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.

³⁰Ao a m'aiti buun Kiteon ao itingaun natina m'aane.

³¹Ao bon iai naba buuna ae maeka i Tekem. [60] E reke natiia te m'aane, ao e aranna Kiteon b'a Abimereka.

³²Ao e maiu Kiteon ni karokoa e kara, ao ngke e a mate, ao e nneaki rab'atana n te b'aro, ae aia ruanimate ana utu n ana kaawa are Obera, are ana b'ai te kaainga are Abietera.

³³Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita [61] b'a atuaia.

³⁴Ao a m'aninga taekan te UEA Iteraera ae Atuaia, ae E a tia ni kamaiuia mai rouia aia kairiribai ake i rarikiia.

³⁵Ao i rarikin baikai ni kabane, a aki raoiroi aroia Iteraera nakoia ana utu Kiteon, e ngae ngke a tia Kiteon ni karaoi b'aai aika ab'ab'aki nakoia Iteraera.