Read Te B'aib'ara 1.Tamuera 12 Bible Online

1.Tamuera 12 - Te B'aib'ara bible

1.Tamuera 12

¹Ao e taku Tamuera nakoia Iteraera: I a tia n anganingkami te uea, n aron ami bubuti.

²Kam a tia n noora aron kairakimi i rou ni moa man te tai are I rorobuaka n ataei iai. I a boni kara, a iaia iran atu, ao a ikawai natiu m'aane. Ao ngkai kam nang noora raoi aron kairakimi iroun ami uea.

³N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

⁴Ao a taku Iteraera, “Ko tuai man karaoa anne nako ira!”

⁵Ao e taku Tamuera, “Bon taani kakoaua te UEA ma te uea are e rineaki nakon baika kam taekin.” Ao a taku aomata, “Eng, bon te koaua.”

⁶Ao e taku Tamuera nakoia: E kaotinakoia ami bakatibu te UEA mai Aikubita ao E rinea Moote ma Aaron b'a taani kairiiri.

⁷Ao ngkai E na riki te UEA b'a ami tia moti. Ma ngaia are, kam na tei ao kakauongo, ngkana I kauringngkami aron te UEA ngke E aki toki ni kakamaiungkami ma ami bakatibu mairouia ami kairiribai.

⁸I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.

⁹Ma a manga m'aninga taekan te UEA ami bakatibu, ma ngaia are, A kataenikaiaki irouia kaain Biritia, ma uean Moaba, ao Titera, are te kam'aanta n ana taanga ni buaka Atora.

¹⁰Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”

¹¹Ao E kanakoa Kiteon te UEA, [54] Betan, Iebeta, ao Tamuera b'a a na kamaiungkami mairouia ami kairiribai, ao kam aki raraomaeakina buakanakimi.

¹²Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”

¹³Kam bubuti karekean ami uea, ao kam rinea temanna. Ao ngkai e tei i rarikira ao kam boni bane n nooria. Ma bon te UEA ae rineia b'a ami uea.

¹⁴Ngkana kam tangiria ni kan riki b'a taan ri mwiin ami UEA, ao kam na tataromauria[55] ao karaoa te b'ai ane taekinna. Kam na aki taningabono!

¹⁵Ma ngkana kam taningabono ma n kamoamoaingkami nakon te UEA, ao ane na kaaitaraingkami ma ami uea.[56]

¹⁶Kam na ti tei ikai ao matakuakina te UEA b'a E na kaota korakoran m'aakana.

¹⁷Tiaki aei ngkoa tain te m'auteretere? [57] N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

¹⁸Ao e tataro Tamuera, ao ni bon te bong naba arei, E a kanakoa te karau ma te baa te UEA. Ao a bane ni maaka te UEA ma Tamuera aomata.

¹⁹Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”

²⁰Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.

²¹Kam na aki taromaurii taian bouananti! Bon akea m'aakaia, ao a bon aki konaa ni buokingkami ke ni kamaiungkami ngkana kam a reke n te kangaanga.

²²Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.

²³Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.

²⁴Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.

²⁵Ma ngkana kam karaoa te m'akuri ae buakaka ma ami uea, ao E na kamaunaingkami te UEA.