Read Te B'aib'ara 1.Tamuera 13 Bible Online

1.Tamuera 13 - Te B'aib'ara bible

1.Tamuera 13

¹Bon te rorobuaka n ataei Tauro [58] ngke e riki b'a te uea, ao e tautaekana Iteraera i nanon 2 te ririki.

²Ao i mwiina, [59] e rineia tenua tengaa te m'aane mai buakoia Iteraera b'a tautia ni koaua, ao e kanakoia aomata ake nikirana [60] nakoni mwengaia. Ao a tiku ma ngaia 2,000 man te taanga ni buaka i aon taian tabuki ake i rarikin Mikemati ao Betaera ao ake tekorakina a mena iroun Ionatan [61] i Kibea [62] n abaia kaain te baronga are Beniamin.

³Ao Ionatan, e kaira buakanakin aia kaemb'a tautian Biritia i Keeb'a [63] Ao e mauna nako aia kaemb'a kaain Biritia,[64] ao a ongo kain Biritia ake te korakina rongorongon te b'ai are riki. Ma ngaia are, e tuangiia ana taan uarongorongo Tauro ni kaangai, “Naako kawari kaawa ni kabane i aon abara. Ao aanga te kanikina n te bu, ao ngkana a bane n roko aomata ao tuangiia b'aai ake a tia n riki.”

⁴Ao a kaangai taan uarongorongo nakoia Iteraera, “E a tia Tauro n urua aia kaemb'a kaain Biritia i Keeb'a.[65] Ao a rangi n ribaia Iteraera kaain Biritia, ma ngaia are, a na riai ni kanakoia m'aane ni kabane kaawa nako b'a a na raoniia ana taanga ni buaka Tauro i Kirekara.”

⁵Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 [66] 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen. [67]

⁶Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai,[68] [69] ke i nanon taian karuarua aika nano aika m'auteretere.

⁷Ao tabeman [70] a nakon te kaawa are Kata ma Kireata n iteran te Karaanga are te Ioretan are teuana. Ao e tiku Tauro i Kirekara, ao a rangi n ruru ni maaku ana tautia,

⁸ao a birinako ma ni kiitanna. Ao e tataninga Tauro ikekei i nanon itiua te bong n aron are a tia Tamuera n tuangnga b'a e na karaoia,[71] ma e aki roko Tamuera.

⁹Ao n tokina, ao e anga ana taeka Tauro ni kaangai, “Uotimai maan tabeman, b'a ti aonga n anga te karea are kakukureian te UEA ma ni bubutiia buokara.” Ao e tiringa temanna te man Tauro,

¹⁰ao ngke a katokaa i aon te baonikarea, ao e roko Tamuera. Ao e otinako Tauro ni kamauria.

¹¹Ao e taku Tamuera, “Tera ngkai ae ko a tia ni karaoia?” Ao e taku Tauro, “B'a a bane ni uamaaenako au tautia, ao ko aki roko n aron are kantaningaaki. Ao a bootaki kaain Biritia i Mikemati,

¹²ao I a raraoma b'a rimwi ao a na nakomai ni buakanai i Kirekara ikai. I bon tuai n anga te karea ni bubutiia te UEA buokara, ma ngaia are, I a imanonoai i bon i rou b'a n na anga te karea i aon ain te baonikarea.

¹³Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

¹⁴Ma e na aki reke anne nako im, b'a ko a aki ongotaeka, ma ngaia are, e na aki manga rinea temanna man am utu b'a te uea. Ao ngkai, E a tia n rinea te tia kairiiri temanna i bukiia Ana aomata.”

¹⁵Ao i mwiina, e kiitana Kirekara Tamuera. Ao bon iai naba ana tautia Tauro ake a aki kiitana Tauro, ao e kairiia nako Kibea are i Beniamin b'a a na ira te taanga ni buaka. Ao i mwiina e a warekia [72] ao e a ataia b'a ngaia bon 600 naba m'aitiia ana m'aane.

¹⁶Ao a katea aia kaemb'a Tauro ma Ionatan i Keeb'a n te aba are Beniamin.

¹⁷Ao m'am'ananga tautian Biritia ni buakana te kaawa ma n anai b'aina ao ni kamaunaa n te bong koraki. Tekorakina man te taanga ni buaka a bo nako iaang n te kawai are n aonon Tuara.

¹⁸Ao tekorakina man te taanga ni buaka a wairio ni kawain Beta Oron. Ao te katenua ni koraki man te taanga ni buaka e borake nakon te rereua n te kawai are n taubukin taiani maunga ake a kaaitaraa M'aruan Teboiim.

¹⁹Ao kaain Biritia a rawa n reireiniia Iteraera aron karaoan te biti ao a taku, “Ngkana ti kariaia b'a a na reireiaki, ao ane a na rabakau ni karaoa te kabaang ma te kainiwai Iteraera aika bon te akea bonganaia aikai.”

²⁰Ma ngaia are, ngkana a tangira Iteraera ni kanim'a bitin aia b'arau,

²¹ao a na riai ni m'ananga nakoia kaain Biritia. E ngae naba ngkana a ti tangiria ni kakangii wiin aia b'arau, aia beke, aia angaraa, ke aia b'ai n ewaewa. [73]

²²Ma ngaia are, ngke a nang nakon te buaka tautian Iteraera, ao bon akea mai buakoia ae iai ana kabaang ke a na kainiwai ma bon ti Tauro ao natina are Ionatan are iai aia kainiwai.

²³Ao a kam'ainga aia kaemb'a kaain Biritia nakon te kawai are i Mikemati,