Read Te B'aib'ara 1.Tamuera 28 Bible Online

1.Tamuera 28 - Te B'aib'ara bible

1.Tamuera 28

¹Tabeua te tai i mwiina, a bootia aia taanga ni buaka kaain Biritia b'a a na buakana Iteraera, ao e taku Rakiti nakon Tawita, “I bon kakoauai ngkami b'a kam na bon buaka ngkoe ma am rorobuaka man au itera.”

²Ao e kaeka Tawita ni kaangai, “Eng, ti bon koaua. Bon am toro ngai ao ko na bon nooria ni matam te b'ai ae N na karaoia.” E taku Rakiti, “E tamaroa! N na karikiko b'a te tia tararuai ae e matoa.”

³E a tia ni mate ngkai Tamuera, ao a bane n tang Iteraera ma n tanginiwenei i bukina ao a taunna n oin ana kaawa are e buubura are Ram'a. E a tia ni kairoroia taan kaiwa Tauro ao taan tabunea b'a a na kiitana Iteraera.

⁴A ikotaki aia taanga ni buaka kaain Biritia ao a kaemb'a i rarikin te kaawa are Tunem; E ikotiia Iteraera Tauro ao a kaemb'a n te Maunga are Kireboa.

⁵Ngke e nooriia ana taanga ni buaka Biritia Tauro ao e maaku,

⁶ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

⁷E kawaekoaia ana aobitia Tauro, ao e taku, “Kam na kakaea nako iu te aine are te tia tabunea, b'a N na nako n ongora i rouna.” Ao a kaeka ni kaangai, “Iai temanna i Entora.”

⁸Ma ngaia are, e bita taraana Tauro; e karin kunnikai tabeua, ao e a nako ngke e a bon roo ma uoman rorobuaka ni kawara te aine arei. Ao e taku nakon te aine arei, “Ko na taetae ma taian tamnei ao tuangai b'a tera ae e nang riki ngkai. Wetea taamnein te rorobuaka ae N na anganiko arana.”

⁹Ao e kaeka te aine arei ni kaangai, “Ko bon ataa te b'ai are e karaoia te uea are Tauro, ngke e kakionakoia taan kaiwa ma taan tabunea mai aon Iteraera. E aera ngkanne ngkai ko na kataia ni kam'aneai b'a I aonga n tiringaki?”

¹⁰Ao i mwiin arei, e karaoa ana taeka ni bau Tauro ao e taku, “N aran te UEA ae E maiu, I berita b'a N na aki manga katuaaeko ngkana ko karaoa anne.”

¹¹Ao e titiraki te aine arei nakoina, “Ao antai ae N na weteia nakoim?” Ao e kaeka ni kaangai, “Tamuera.”

¹²Ao ngke e noora Tamuera neierei, e takaarua naba ao e taku nakon Tauro, “E aera ngkai ko keweai? Bon te uea are Tauro ngkoe!”

¹³Ao e taku te uea nakoina, “Tai maaku. Tera ane ko nooria?” Ao e kaeka neierei ni kaangai, “I noora taamnein te aomata ae e waerake man te aonnaba.”

¹⁴Ao e titiraki ni kaangai, “Ao ti te bo taraana ma antai?” Ao e kaeka neierei ni kaangai, “E kunnikainna n te niiniira.” Ao i mwiin arei, e a ataia Tauro b'a Tamuera, ao e boobaraaki nako aontano ni karinea.

¹⁵Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”

¹⁶Ao e taku Tamuera, “Ko kangaa n weteai ngkana E a tia ni kiitaniko te UEA b'a e a manga riki b'a am kairiribai?

¹⁷E a tia te UEA ni karaoa nakoim te b'ai are e a tia n tuangko rinanou ngkoa: e a tia n anaa te abanuea mairoum, ao e a manga angan Tawita.

¹⁸Ko a tia n aki ongotaeka nakon ana tua te UEA ao ko aki tiringiia ni kabane kaain Amareka ma aia b'ai ni kabane. Ao bon anne ngkai ae E nang karaoia te UEA nakoim.

¹⁹E na anga ngkoe ma Iteraera nakoia kaain Biritia. A na raoniko natim rorobuaka nakon te ingabong, ao E na anga naba ana taanga ni buaka Iteraera nakoia kaain Biritia.”

²⁰Ao e rina ni b'aka Tauro nako aon te tano, ni maaku n te b'ai are e taekinna Tamuera nakoina. E riki rake n akea korakorana, i bukina ngke e aki am'aam'arake ni bong ao ni ngaina.

²¹E roko te aine arei ni kawaria ao e nooria b'a e rangi ni maaku, ma ngaia are e taku nakoina, Taiaoka teuae ko karineaki, I anga maiu i bukin te b'ai are ko butiai.

²²I butiiko ngkai b'a ko na karaoa ae N na butiiko. N na katauraoa teutana te am'arake i bukim. Ko na am'arake b'a ko aonga ni konaa ni m'ananga.”

²³E rawa Tauro ao e taku b'a e na akea te b'ai ae e na kanna. Ma a kaungaa ana aobitia b'a e na am'arake. Ni bon tokina e b'ara nanona, e teirake man te tano, ao e tekateka i aon te kainiwene.

²⁴E kabaikoa te aine arei n tiringa te kao te teei are e a tia ni kamarikaa. Ao i mwiina, e anaa tabeua te buraawa, e katauraoia, ao e kam'aa tabeua te kariki ae e aki itinaki. [129]

²⁵E nikiri ana am'arake i matan Tauro ma ana aobitia, ao a am'arake. Ao a nako naba n te tairiki anne.