Read Te B'aib'ara 1.Tamuera 31 Bible Online

1.Tamuera 31 - Te B'aib'ara bible

1.Tamuera 31

¹A buakana Iteraera kaain Biritia n te Maunga are Kireboa. A m'aiti Iteraera ake a mate ikekei, ao nikiraia, n reitaki ma te Uea are Tauro ao natina rorobuaka, a bane ni biri nako.

²Ma a reke irouia kaain Biritia ao a tiringiia natin Tauro ake rorobuaka aika teniman, ake Ionatan, Abinataba, ao Marekitua.

³E rangi ni korakora te bo ni buaka ni katobibia Tauro, ni karokoa e a teke n ana kanoanikatebe te kairiribai ao e ikoaki kaakaiaki.

⁴E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.

⁵Ao e nooria te rorobuaka arei ae e a mate Tauro, ma ngaia are, e a manga bon kab'aka naba i bon i rouna i aon oin ana kabaang ao e mate ma Tauro.

⁶Ao ai anne aron maten Tauro ma natina m'aane ake teniman; a bane ni mate natin Tauro n te bong anne.

⁷Ao ngke a ongo Iteraera ake a mena n iteran te M'arua are Ietireera [133] ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.

⁸N te bong are i mwiin te buaka ao a m'ananga kaain Biritia b'a a na anai aia b'ai maate, ao a noora rab'atan Tauro ma natina ake teniman ni wene i aon te Maunga are Kireboa.

⁹A kanakoa atuun Tauro, ao a buuta ana kunnikai ni buaka, ao a kanakoia taan uarongorongo ma ngaiia ni kabutaa Biritia b'a a na taekina te rongorongo ae e kakukurei nakoia aia bouananti ao nakoia aia aomata.

¹⁰Ao i mwiina, a katuka ana b'ainibuaka i nanon ana tembora antiia are Nei Atiterota, ao a neerana rab'atana ma oon te kaawa ae e buubura are Beta Taan.

¹¹Ao ngke a ongo kaain Iabeti i Kireata te b'ai are a karaoia kaain Biritia nakon Tauro,

¹²a moana m'anangaia rorobuaka aika a ninikoria n te tairiki nako Beta Taan. A anaa rab'ataia Tauro ma natina m'aane man te oo, ao a uotia ni kaokia nako Iabeti, ao a kabuokia.

¹³Ao a anai riin Tauro ao a taun i aan te kai are te Tamaritika i nanon te kaawa, ao a aki mamatam i nanon itiua te bong.