Read gitonga 1 Dzikoronika 20 Bible Online

1 Dzikoronika 20 - gitonga bible

1 Dzikoronika 20

¹ Na gu vbindride mwaga moyo, gikhati dzipfhumu dzi olovelago gu hongola nyimbitunu, Jowabhi a di dzega masotshwa aya tigoni ga va na Amoni, bwelo khavbo a dhumela Rabha; aholu Dhavhidhe a di tshade Jerusalema; ni Jowabhi a di sasela Rabha, bwelo khavbo a li khungumula.

²Dhavhidhe a di tshula gihugu gya hungoni ga mufumeli wawe, a gi khedza a gi wona na gi gu lemela pimo nya taleta mweyo nya ndralama, na gi namegedzedwe siwindri nya gukhedzige. Va di gi ambagisa hungoni ga Dhavhidhe; bwelo khavbo va phanga sombo nya singi dhoropani mule.

³A di dzega gambe vathu va nga bani vari umomo a va thumisa khu dzisaroti, mapiki, simbi ni sibhewula; a gira kharato ga yatshavbo madhoropa ya va na Amoni. Dhavhidhe, a di bwelela Jerusalema ni vathu vatshavbo.

⁴Khu hwane nya esi, gu manegide nyimbi tigoni ga Gezeri nya gudwane ni Vafilisitiya; khavbo avbo, Sibhekayi, Muhusu a di songa sipayi, a nga bani ari moyo nya vama vava nya vadandrangulu; ni Vafilisitiya va di khoziswa.

⁵ Gu di manegide gambe yimbe nyimbi ni Vafilisitiya, Elanani, mwamana wa Jayiri, a di songa Lami, ndruye wa Gholiya, Mugati, uye simbo nya litshari laye, wu nga bani wu fanana ni phingwi ya mulugi.

⁶Gu di manegide gambe yimbe nyimbi tigoni ga Gati; gu diromo tigoni mule mwama moyo nya wemo nya wukhongolo, a diri ni magumavili na dzina dzinyala, limwedo ni limbe nya mandza yaye gu diri ni livbandre na mweyo dzinyala ni livbandre na mweyo dzinyala umo nya ngondro ni ngondro waye; uye nuye a diri wa melego nya ava nya vadandrangulu.

⁷Gikhati a nga bani a gu tsorodzela va na Israyeli, Jonatane, mwamana wa Simaya, ndruye wa Dhavhidhe, a di mu songa.

⁸Vama vava va di velegwa khu vadandrangulu va tigoni ga Gati, va di sasedwa khu Dhavhidhe gumogo ni vathu vaye.