Read gitonga 1 Dzikoronika 27 Bible Online

1 Dzikoronika 27 - gitonga bible

1 Dzikoronika 27

¹Ava khu va na Israyeli mayelano khu tengo wawe, vathangeli nya dzindranga, vagimbidzisi nya sikwata nya likhumi mazana (1.000); nuwo nya mazana, gumogo ni vawoneleli vawe va nga bani va thumela mufumeli, mithumoni gwatshavbo khu mitsawa yi nga bani yi gu bela ni gu duga khu ngima ni ngima mwagani watshavbo, tsawa ni tsawa wu diri ni magumavili na mana magumi mazana (24.000) vama.

²Tsawa nya guhegule nya ngima nya guphele, gu emisidwe Jasobheyamo, mwamana wa Zabhidhiyeli; tsawani gwaye gu diri ni magumavili na mana magumi mazana (24.000) vama.

³Uye a diri mwamana wa Peresi, wa vatshavbo vagimbidzisi nya dzinyimbi ga ngima nya guhegule.

⁴Tsawa nya ngima nya wuvili, muthangeli a diri Dhodhayi, muawoyita, vbafuvbi gwaye a diri ni Mikeloti; tsawani gwaye nuye gu diri ni magumavili na mana magumi mazana (24.000) vama.

⁵Mugimbidzisi nya nyimbi nya wuraru a nga emiswago guta thuma khu ngima nya wuraru a diri Bhenaya, mwamana wa muphasi nya mhamba Joyadha; uye nuye umo nya gikwata gyaye gu diri ni magumavili na mana magumi mazana (24.000) vama.

⁶Khuye Bhenaya yoyu, mwama nya tshivba ni muthangeli wawe, vbakari ga avo nya magumararu; tsawa waye wu di thangedwa khu mwanaye Amizabhadhi.

⁷Muthangeli nya wu na, nya ngima nya wu na, a diri Asayeli, ndruye wa Jowabhi, khu hwane gwaye gu landrela mwanaye Zebhadhiya, uye nuye umo nya gikwata gyaye gu diri ni magumavili na mana magumi mazana (24.000) vama.

⁸Muthangeli nya livbandre, nya ngima nya livbandre, a diri Samuti, wa na Iziraya; uye nuye umo nya gikwata gyaye gu diri ni magumavili na mana magumi mazana (24.000) vama.

⁹Muthangeli nya livbandre na moyo, nya ngima nya livbandre na moyo, a diri Ira, mwamana wa Ikesi, Mutekoni; uye nuye umo nya gikwata gyaye gu diri ni magumavili na mana magumi mazana (24.000) vama.

¹⁰Muthangeli nya livbandre na wuvili, nya ngima nya livbandre na wuvili, a diri uye Helesi, Mupeloni, nya lihundzu la na Efrayimi; uye nuye umo nya gikwata gyaye gu diri ni magumavili na mana magumi mazana (24.000) vama.

¹¹Muthangeli nya livbandre na wuraru, nya ngima nya livbandre na wuraru, khu Subhekayi, Muhusa, nya lihundzu la na Zera; uye nuye umo nya gikwata gyaye gu diri ni magumavili na mana magumi mazana (24.000) vama.

¹²Muthangeli nya livbandre na wu na, nya ngima nya livbandre na wu na, a diri Abhiyezeri, Muanatoti, nya lihundzu la na Bhejami; uye nuye umo nya gikwata gyaye gu diri ni magumavili na mana magumi mazana (24.000) vama.

¹³Muthangeli nya likhumi, nya ngima nya likhumi, a diri uye Maharayi, Munetofati, nya lihundzu la na Zerati; uye nuye umo nya gikwata gyaye gu diri ni magumavili na mana magumi mazana (24.000) vama.

¹⁴Muthangeli nya likhumi na moyo, nya ngima nya likhumi na moyo, a diri Bhenaya Mupiratoni, nya lihundzu la na Efrayimi; uye nuye umo nya gikwata gyaye gu diri ni magumavili na mana magumi mazana (24.000) vama.

¹⁵Muthangeli nya likhumi na wuvili, nya ngima nya likhumi na wuvili, a diri Helidhayi, Munetofati, nya lihundzu la na Otiniyeli; uye nuye umo nya gikwata gyaye gu diri ni magumavili na mana magumi mazana (24.000) vama.

¹⁶Gasi mahundzu ya na Israyeli a diri aya: Ga va na Rubheni muthangeli wawe a diri Eliyezeri, mwamana wa Zikiri, ga va na Simiyoni, a diri Sefatiya mwamana wa Mahaka;

¹⁷ga va na Levhi, a diri Asabhiya, mwamana wa Kemuweli; ga va na Aroni, a diri Sadhoki;

¹⁸ga va na Judha, a diri Eliyu, nya ndruye wa Dhavhidhe; ga va na Isakari, gu diri Oniri, mwamana wa Mikayeli;

¹⁹ga va na Zebhuloni, a diri Esimaya, mwamana wa Obhadhiya; ga va na Nafitali, a diri Jerimoti, mwamana wa Aziriyeli;

²⁰ga va na Efrayimi, gu diri Hoseya, mwamana wa Azaziya; ga gipandre nya lihundzu la na Manasi, a diri Joyele, mwamana wa Pedhaya;

²¹ga gimbe gipandre nya lihundzu la na Manasi, tigoni ga Gileyadhi, gu diri Idho, mwamana wa Zakariya; ga va na Bhejami, khu Jahasiyeli, mwamana wa Abhineri;

²²ga va na Dhani, a diri Azariyeli, mwamana wa Joramo; ava va diri vathangeli nya lihundzu la Israyeli.

²³ Avo nya tanga nya magumavili myaga guya hwane, Dhavhidhe, kha nga va thela tengoni, kholu PFHUMU Nungungulu, a di ganede, khuye: Nyi na andrisa Israyeli kha nga dzinyeledzi dza ndzadzini.

²⁴ Jowabhi, mwamana wa Zeruya, a di gu phede gu sayela vathu, aholu a di si gu va vbedzi, kholu Nungungulu a di resa likhulo nya likhongolo ngudzu ga Israyeli; khu guralo, tengo wawe kha wa lowa umo nya matimo ya Dhavhidhe.

²⁵Azimaveti, mwamana wa Adhiyeli, khuye a nga bani ari musayisi nya dzithomba dza mufumeli; ga satshavbo si nga bani siri sa mufumeli, sa mahangeni gwaye, madhoropani ni makhokholani, si di gu fumedwa khu Jonatane, mwamana wa Uziya.

²⁶Gasi valimi va mahangeni gwaye, va di thangedwa khu Eziri mwamana wa Kelubi.

²⁷Mahange nya miuvha, gu di woneledwa khu Simaya, Muramani; aholu wadwa wakone nya vhinya ni sighowolo sakone si di woneledwa khu Zabhidhi, nya Musifimi.

²⁸Miolivha ni minguyu, yi nga bani yiri mahangeni, si di woneledwa khu Bhahali-Hanani, Mugedheri; aholu Jowasi a di wonelela mafura ni sombo ma thedzedwago umo.

²⁹Sarumi, Sitirayi, Musaroni va diri vahavisi nya dzimombe; gasi idzo dzi nga bani dzi gu haviswa mikovani; dzi diri mandzani ga Safati, mwamana wa Adhilayi.

³⁰Dzingameriya, dzi diri mandzani ga Obhili, wa na Ismayeli; gasi Jedhiya, Mumerinoti, a di sayisa dziburu.

³¹Jazizi, Muhagari, a di sayisa dzinvuta. Vatshavbo vathu vava va diri vasayisi nya thomba ya mufumeli Dhavhidhe.

³²Jonatane babe dugwane wa Dhavhidhe, a diri singaladhota, muthu nya guti ni mulovi; Jeyeli mwamana wa Ekimoni, a diri musayisi wa sanana sa mufumeli;

³³Ayitofeli a diri wa hudzwe ya mufumeli; Husayi, Muariki, a diri pari ya mufumeli.

³⁴Ayitofeli, a di tshikedza Joyadha, mwamana wa Bhenaya ni Abhiyatari; Jowabhi a diri muthangeli nya nyimbi ya mufumeli.