Read gitonga Dzindzimo 101 Bible Online

Dzindzimo 101 - gitonga bible

Dzindzimo 101

¹Ndzimo ya Dhavhidhe Nyi na embelela wuhindzi ni gululama; nyi na embelela gwago PFHUMU Nungungulu.

²Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

³Kha nyi na khedzisela silo nya guvivbe, nyi na nyenya mithumo ya sighohi, gima kha nyi na dzumela gu hengela navo.

⁴Avo va vivbidego myonyo va na khale hwindzo ni eni; kha nyi vbweti gupwa mahungu nya guvivbe.

⁵Oyu a lembago ni gu singedza muthu kwawe mugusihalani, uyoyo nyi na mu mbembisa; gima kha nyi na timisela va nya matshandza ni va nya gu dzi khusedza.

⁶Maho yangu nyi na ma vega ga vathu va tumbegidego tigoni, gasi nyi kodze gu khala gumogo navo; uye a gimbilago khu ndzila nya gululame, a na nyi thumela.

⁷Muthu nya gidambane kha na mana wulanga nyumbani gwangu, ni oyu nya guganele malipha, kha na ema mbeli gwangu.

⁸Tshigu ni litshigu, nyi na mbembisa sighohi satshavbo sa tigoni, gasi nyi fuvisa dhoropani gwa PFHUMU Nungungulu, avo va girago guvivba.