Read gitonga Dzindzimo 108 Bible Online

Dzindzimo 108 - gitonga bible

Dzindzimo 108

¹Ndzimo ya Dhavhidhe Uwe Nungungulu, monyo wangu wu tiyide; nya gu vbweta gu embelela nyi gu dhumisa. Wuga uwe hefemulo wangu.

²Khendzugani enu gitendre ni mihwambi! Nya gu vbweta gu vindruga nyi wusa Wuronga.

³Nyi na gu dhumisa, PFHUMU Nungungulu vbakari nya vathu, nyi na embelela wudhumo wago vbakari nya mayigo.

⁴Kholu lihaladzo lago li khugegide ngudzu guvbindra ndzadzini, ni gutumbega gwago gu khugegide guvbindra mapfhi.

⁵Uwe Nungungulu, nonedza wugulu wago vbatshani ndzadzini, u tadza litigo khu gungangamela nya wudhumo wago.

⁶Hakha nombelo wathu, U hi vbanyisa khu tshivba nya libogo lago la nyamudye, gasi vathu vago u va golago va vbanyiswe.

⁷Nungungulu ganede khu nyumbani gwaye nya guage, khuye: “Gikhati nyi na palago, nyi na kabanisa lidhoropa la Sikemi, nyi pima sipandre kovani ga Sukoti.

⁸Gileyadhi ni Manasi va gu lumba eni; va na Efrayimi gihugu gyangu, va na Judha i ndronga yangu nya wufumu.

⁹Litigo la Mowabhi ginamelo nyi hambelago umo; nyi na rinya silato sangu tigoni ga Edhomi; nyi na ghiya khu gu pala Vafilisitiya.”

¹⁰Khu mani a na nyi yisago kala dhoropani gu bhiyidwego? Khu mani a na nyi vbohisago kala Edhomi?

¹¹Ina uwe Nungungulu u di hi diga kamwe, gani? Khu na duga gambe ni dzinyimbi dzathu, gani?

¹² Hi phase gupala valala vathu, kholu giphaso nya vathu va mafuni kha gi nyawuli.

¹³Ha gu phaswa khu Nungungulu hi na pala, khuye a na gandredzelago valala vathu.