Read gitonga Dzindzimo 11 Bible Online

Dzindzimo 11 - gitonga bible

Dzindzimo 11

¹Ga muthangeli nya tsawa nya vaembeleli. Ndzimo ya Dhavhidhe Eni nya gu thavela ga PFHUMU Nungungulu. Khu ginani mu nyi embelago, khenu: “Thavela sigomoni nga ginyoni?”

² Wona, vathu nya guvivbedwe khu myonyo va gu ghwimba wulaho, va seketela sighalala vbangodzitunu, gasi khu gusihalani, va paya vathu nya gululame.

³ Kholu ma gu khuyuledwa madingo, ginani a na gu girago gambe muthu nya gululame?

⁴Aholu, PFHUMU Nungungulu womo nyumbani gwaye nya guage; PFHUMU Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

⁵PFHUMU Nungungulu a ngu wona oyu nya gululame ni oyu nya guvivbe, a venga oyu a golago wughevenga.

⁶A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

⁷Kholu PFHUMU Nungungulu lulamide, a gu gola gululama; va nya myonyo nya yadi, va na wona khovbe yaye.