Read gitonga Dzindzimo 136 Bible Online

Dzindzimo 136 - gitonga bible

Dzindzimo 136

¹ Aleluya! Bongani PFHUMU Nungungulu kholu khwadi, kholu lihaladzo laye li ngu simama kala gupindruga.

²Bongani Nungungulu wa vanungungulu, kholu lihaladzo laye li ngu simama kala gupindruga.

³Bongani Pfhumu nya dzipfhumu, kholu lihaladzo laye li ngu simama kala gupindruga;

⁴khuye basi a girago siliwugiso nya sikhongolo, kholu lihaladzo laye li ngu simama kala gupindruga;

⁵ khuye a giridego ndzadzini khu mapimo, kholu lihaladzo laye li ngu simama kala gupindruga;

⁶ khuye a ladzidego litigo vbatshani nya guete nya mati, kholu lihaladzo laye li ngu simama kala gupindruga;

⁷khuye a giridego lidambo ni ngima, kholu lihaladzo laye li ngu simama kala gupindruga;

⁸giride lidambo gasi gu wenengedza mihani, kholu lihaladzo laye li ngu simama kala gupindruga;

⁹ giride ngima ni dzinyeledzi gasi gu wenengedza wutshigu, kholu lihaladzo laye li ngu simama kala gupindruga;

¹⁰ khuye a songidego sanana nya matiwula sa Egipito, kholu lihaladzo laye li ngu simama kala gupindruga;

¹¹ duside va na Israyeli tigoni ga Egipito, kholu lihaladzo laye li ngu simama kala gupindruga;

¹²a va dzegiside khu tshivba nya yikhongolo na khusedzide mandza, kholu lihaladzo laye li ngu simama kala gupindruga;

¹³khuye a kabanisidego khu vbakari Yiphwa nya Gufuvile, kholu lihaladzo laye li ngu simama kala gupindruga;

¹⁴ vbindriside va na Israyeli khu vbakari nya Yiphwa, kholu lihaladzo laye li ngu simama kala gupindruga;

¹⁵mbembiside Faro ni masotshwa yaye Yiphwa ni nya Gufuvile, kholu lihaladzo laye li ngu simama kala gupindruga;

¹⁶khuye a gimbidzisidego vathu vaye mugiwulani, kholu lihaladzo laye li ngu simama kala gupindruga;

¹⁷khuye a songidego vafumeli nya tshivba, kholu lihaladzo laye li ngu simama kala gupindruga;

¹⁸songide vafumeli nya vakhongolo, kholu lihaladzo laye li ngu simama kala gupindruga;

¹⁹ songide Seyoni, mufumeli wa Vaamori, kholu lihaladzo laye li ngu simama kala gupindruga;

²⁰ ni Ogi, mufumeli wa Bhasani, kholu lihaladzo laye li ngu simama kala gupindruga;

²¹a dzega litigo lawe li khala thomba ya vathu vaye, kholu lihaladzo laye li ngu simama kala gupindruga;

²²a li giride thomba ya Israyeli, githumi gyaye, kholu lihaladzo laye li ngu simama kala gupindruga;

²³a hi alakanyide gutshanisekani gwathu, kholu lihaladzo laye li ngu simama kala gupindruga;

²⁴ni gu hi tshudzisa mandzani ga valala vathu, kholu lihaladzo laye li ngu simama kala gupindruga;

²⁵ni gu ninga guhodza vathu ni sirengo, kholu lihaladzo laye li ngu simama kala gupindruga.

²⁶Dhumisani Nungungulu wa ndzadzini, kholu lihaladzo laye li ngu simama kala gupindruga.