Read gitonga Dzindzimo 137 Bible Online

Dzindzimo 137 - gitonga bible

Dzindzimo 137

¹Bambe nya mitsongo ya Bhabhiloni, hi di khala hi lila khu gu dundruga lidhoropa la Siyoni.

²Hi di vbayega sitendre sathu matamoni nya sivbewu sa matsongoni,

³kholu avo va nga hi vbagela va hi yisa wugumbini va di hi lomba gu embelela dzindzimo dzathu, ni vasanisi vathu va di hi lomba, khavo: “Embelelani mu hi tangadzisa khu dzindzimo dza Siyoni!”

⁴Hi na dzi kodza kharini gu embelela ndzimo ya PFHUMU Nungungulu na hiri tigoni nya valombo?

⁵Nya gu gu divala uwe Jerusalema, libogo langu la nyamudye li na khwenyele.

⁶Nya gumba gu alakanya uwe Jerusalema, lidimi langu li na tsharamele kanani gwangu, nya gumba tsakela uwe guvbindra silo satshavbo.

⁷PFHUMU Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

⁸ Nyamahegyane wa Bhabhiloni u na khungumudwago, kategide oyu a na gu tsayisago a gu bweledzela guvivba gwatshavbo u hi giredego.

⁹Kategide oyu a na gikhago sanana sago, a si pfara khu siwindri.