Read gitonga Dzindzimo 21 Bible Online

Dzindzimo 21 - gitonga bible

Dzindzimo 21

¹Ga muthangeli nya vaembeleli. Ndzimo ya Dhavhidhe Mufumeli a ngu nengela khu tshivba yago; PFHUMU Nungungulu, a ngu tsaka khu guvbanyisa gwago! Kholu u mu ningide gupala.

²U mu girede gugola nya monyo waye, khwa muma esi a nga lombago khu likana laye.

³Kholu uwe wa gu mu thangela khu makategwa nya makhongolo, u ngu mu ambagisa gihugu nya ndralama hungoni.

⁴Uye a di gu lomba guvbanya, uwe u mu ningide matshigu nyamba hegisa kala gupindruga.

⁵Gupala gwago gu dandriside wuzundzo waye, u mu ambagiside wudhumo ni gungangamela.

⁶Ina, u mu vegide kha nga gikategiso kala gupindruga, u mu tadza khu gunengela mbeli gwago.

⁷Mufumeli a ngu tumba PFHUMU Nungungulu, khu lihaladzo la oyu a khugegidego ngudzu gima kha na kanakana.

⁸Mandza yago ma na manela valala vago vatshavbo, Nyamudye wago a na manela avo va gu nyenyago.

⁹Uwe u na va gira va dzura kha nga nilo litshigu u na dzi wonegisago, PFHUMU Nungungulu a na va midza khu likhulo laye, va na tsagamiswa khu nilo;

¹⁰A na fuvisa livelego lawe mafuni, a fuvisa situgulwana sawe vbakari nya vathu.

¹¹Ambari va nga gu girela matshoho, va luga makungo, kha va na gira gilo;

¹²kholu uwe u na va tutumisa u khwandra wulaho u va hekha girumbu, u gu va bayisa khu sighalala.

¹³Khuga khu tshivba yago PFHUMU Nungungulu, ethu khu dzingoma ni dzindzimo hi na rungudza tshivba yago.