Read gitonga Dzindzimo 29 Bible Online

Dzindzimo 29 - gitonga bible

Dzindzimo 29

¹Ndzimo ya Dhavhidhe Sanana sa Nungungulu, rungudzani PFHUMU Nungungulu, embelelani wudhumo ni tshivba ya PFHUMU Nungungulu.

² Rungudzani wudhumo nya lina la PFHUMU Nungungulu, khozelani PFHUMU Nungungulu makhuvini gwaye nya guage.

³Lito la PFHUMU Nungungulu li ngu pwala vbatshani nya mati, Nungungulu nya wudhumo a ngu zindza kha nga libara, PFHUMU Nungungulu a ngu wonega vbatshani nya talo nya mati.

⁴Lito la PFHUMU Nungungulu li ngu pwala khu tshivba; lito la PFHUMU Nungungulu li ngu pwala gungangamelani.

⁵Lito la PFHUMU Nungungulu li ngu thesa misimbo nya sedhari, PFHUMU Nungungulu a ngu thesa misedhari ya Libhanoni,

⁶a gu kutsunga Libhanoni, gu ndragandraga kha nga gimombyana, Siriyoni kha nga gyanana nya nyari.

⁷Lito la PFHUMU Nungungulu la gu dusa malavbelavbe nya nilo,

⁸lito la PFHUMU Nungungulu li ngu kutsunga giwula. PFHUMU Nungungulu a ngu kutsunga giwula gya Kadesi.

⁹Lito la Pfhumu li ngu tshomborosa matshina nya misena li vbiyela magabi. Nyumbani gwaye sivangwa satshavbo si ngu pwadza wudhumo.

¹⁰PFHUMU Nungungulu khade vbatshani nya talo nya ndrambi, PFHUMU Nungungulu khade vbagikhalotunu nya wufumu kala gupindruga.

¹¹PFHUMU Nungungulu a ngu ninga tshivba vathu vaye, PFHUMU Nungungulu a ngu kategisa vathu vaye khu gurula.