Read gitonga Dzindzimo 36 Bible Online

Dzindzimo 36 - gitonga bible

Dzindzimo 36

¹Ga muthangeli nya tsawa nya vaembeleli. Ndzimo ya Dhavhidhe githumi gya Nungungulu. Muthu nya guvivbe a gu fumbela magana nya gighoho monyoni gwaye; mahoni gwaye mwalo githawo ni Nungungulu.

²Kholu a gu dzi pfhadza abune afela gumba tugula ni gu nyenya guvivba gwaye.

³Khu kanani gwaye gu duga magana nya guvivbe ni malipha, mano nya gugire esi nya sadi, a ma tsukude gale.

⁴Vbadawutunu gwaye, a gu hingigedzela guvivba basi; a gu simama gubela khu ndzila nyambasi yadi, gima kha nyenyi guvivba.

⁵PFHUMU Nungungulu, lihaladzo lago lomo ndzadzini, lisine lago li ngu vboha kala mapfhini.

⁶Nayo wago wu ngu fanana ni sigomo nya gulaphe ngudzu, gulamula gwago kha nga gueta nya gukhongolo. PFHUMU Nungungulu, U ngu vbanyisa vathu ni sirengo.

⁷Oh, PFHUMU Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

⁸Avo va ngupwa gukhura khu manonwa ya nyumbani gwago, u va sedza mati nya gutshambe ya namboni gwago.

⁹Kholu gibuga nya womi gyomo gwago; khu wenengedzo wago, hi ngu wona guwonegela.

¹⁰Thawuludza wuwadi wago ga vale va gutigo, ni nayo wago ga vale nya myonyo yi lulamidego.

¹¹Nyi nga gandrwi khu migondro ya muthu nya matshandza, nyi nga thedwi hwanga khu matshandza ya muthu nya guvivbe.

¹²Va thegide vbavbatshi avo va girago guvivba; va thegede muphelo nyamba kodza gu wuga gambe.