Read gitonga Dzindzimo 39 Bible Online

Dzindzimo 39 - gitonga bible

Dzindzimo 39

¹Ga muthangeli nya tsawa nya vaembeleli, Jedhutumi. Ndzimo ya Dhavhidhe Eni nyi di, kheni: Guvbanyani gwangu nyi na landra ndzila yangu, gasi nyi si ghohi khu lidimi langu; va nya guvivba va gu bani vari vbafuvbi gwangu, nyi na degula heni hwi.

²Eni nyi di degula heni kape; aholu wuvi wangu wu di engedzelana khu gu vbisa monyo.

³Monyo wangu wu di vava ndrani gwangu, nya gu pimisa isoso gu di dzura kha nga nilo; khu guralo, nyi di tshula lidimi langu nyi ganela, kheni:

⁴“PFHUMU Nungungulu, nyi nonedze mahegiso yangu, ni pimo nya matshigu yangu, nyi fela gu pima gurola nya guvbanye gwangu.

⁵U giride matshigu yangu kha nga guanama nya gyandza; matshigu nya guvbanye gwangu khandri gilo mbeli gwago. Muthu watshavbo a khugago a ema, a gu fanana ni gufurugedza nya liphuvbo,

⁶Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

⁷Gasi eni, Pfhumu, nya gu tumba ginani? Uwe khuwe gitumbo gyangu.

⁸Nyi vbulugise guvivbani gwangu gwatshavbo; u nga nyi digi nyi vadwa khu muthu nya giphuguphugu.

⁹Eni nya gu degula kha nyi tuli likana, kholu khuwe u giridego isoso.

¹⁰Nyi ndreyisele sitsayiso sago; u nga nyi vbedzi tshivba khu pama nya mandza yago.

¹¹U ngu hevbudza muthu khu gu mu tsayisa khu sihoso saye, u tshungunula dzithomba dzaye kha nga muhwa; muthu watshavbo furugedzo basi.

¹²PFHUMU Nungungulu, yingisa nombelo wangu, nya gu womba huwa nyi lomba guphaswa, nyi yingise; U nga khali givbwiri nya mbapwa gudilela gwangu. Kholu eni nyi muwuyi avbo gwago, nyi mupepetegi kha nga vakokwe vangu.

¹³Ndreyisa maho yago ga eni, nyi kodze gu hefemula, na gu si vbohi gikhati nya gu nyi vbindra nyi si wonegi.”