Read gitonga Dzindzimo 41 Bible Online

Dzindzimo 41 - gitonga bible

Dzindzimo 41

¹Ga muthangeli nya tsawa nya vaembeleli. Ndzimo ya Dhavhidhe Kategide oyu a alakanyago gisiwana; litshigu nya sigaradzo a na vbanyiswa khu PFHUMU Nungungulu.

²PFHUMU Nungungulu a ngu mu sayisa, a mu ninga guvbanya ni gunengela mafuni, kha mu ningeli mandzani ga valala vaye.

³Vbadawutunu nya madwali, PFHUMU Nungungulu u ngu mu sayisa, u mu vbungulela wuvi waye.

⁴Eni nyi di ganela, kheni: PFHUMU Nungungulu nyi pwele wusiwana; hawulugisa hefemulo wangu, kholu nyi gu ghohede.

⁵Valala vangu va gu nyi lemba, khavo: “Lini a nafago li futega lina laye.”

⁶Moyo wawe a guta nyi holela kha ganeli lisine, a gu nyi tadza monyo khu guvivba; a gu ganela khiso gikhati a dugago.

⁷Vatshavbo va nyi vengago va gu tshangana va nyi lemba; va gu ganela masingita khu eni, khavo:

⁸“Vetidwe khu tsayiso wa Sathane, thegide vbadawutunu, gima kha na wuga gambe.”

⁹ Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

¹⁰Aholu uwe PFHUMU Nungungulu nyi pwele wuhindzi, nyi wuse, nyi na va livba khu fanelo yawe.

¹¹Kharati nyi na dziti nya gukheni u ngu tsaka khu eni; nala wangu a gumba ghiya kheni.

¹²Gasi khu eni, u na nyi vbanyisa wurumba wangu, u nyi sayisa mbeli gwago kala gupindruga.

¹³ A na bongwe PFHUMU Nungungulu wa Israyeli, gukhugela olu kala gupindruga! Amen ni amen!