Read gitonga Dzindzimo 42 Bible Online

Dzindzimo 42 - gitonga bible

Dzindzimo 42

¹Ga muthangeli nya tsawa nya vaembeleli. Khu gitendre. Ndzimo nya sihevbudzo sa sanana sa Kore Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu.

²Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

³Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

⁴Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

⁵Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

⁶Hefemulo wangu nya gu wupwa na wu gu vbisega ndrani gwangu; khu guralo, nyi ngu gu dundruga, tigoni ga Joridhani ni gigomoni gya Herimoni ni gigomwanani gya Mizari.

⁷Gueta gwa gu rana gumbe gueta gupwala guzindzani nya mabara; mavimbi yatshavbo ni sivimbyana si di vbindra khu vbatshani gwangu.

⁸Aholu PFHUMU Nungungulu litshigu latshavbo a na nyi rumela lihaladzo laye, gasi nyi mu dhumisa vbawutshigutunu khu ndzimo, nyi gira nombelo ga Nungungulu a nyi ningago guvbanya.

⁹Nya gu vbweta gu mu embela, kheni: “Uwe Nungungulu, muvhikeli wangu, khu ginani u nyi digidego? Khu ginani nyi na gimbilago na nyi gu vbisega ni gu tshaniswa khu valala vangu?

¹⁰Khu ginani nyi tshanisekago kharati? Valala vangu va gu nyi vala, gikhati gyatshavbo va gu nyi wudzisa, khavo: Womo hayi Nungungulu wago?”

¹¹Khu ginani hefemulo wangu wu vbelago tshivba? Nya gu vbweta gutumba Nungungulu gambe nyi na mu rungudza. Uye khuye Nungungulu wangu ni muvbanyisi wangu.