Read gitonga Dzindzimo 46 Bible Online

Dzindzimo 46 - gitonga bible

Dzindzimo 46

¹Ga muthangeli nya tsawa nya vaembeleli. Ndzimo ya sanana sa Kore Nungungulu wuthavelo ni likhokhola lathu, muphasedzeli vbakari nya dzimhango.

²Khu guralo, kha hi thavi ambari la gu tsekatseka litigo, ni gu siguledwa sigomo si dzamiswa phwani;

³ambari la gu dzuma linene, ma duga liguvi mati yaye, si gu tsekatseka sigomo khu tshivba yaye.

⁴Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

⁵Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

⁶Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

⁷PFHUMU Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

⁸Deluni, mu ta wona sigiro sa PFHUMU Nungungulu, khuye a girago siliwugiso mafuni.

⁹Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

¹⁰Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

¹¹PFHUMU Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.