Read gitonga Dzindzimo 51 Bible Online

Dzindzimo 51 - gitonga bible

Dzindzimo 51

¹Ga muthangeli nya tsawa nya vaembeleli. Ndzimo ya Dhavhidhe, a embidego gikhati a nga ya manwa khu muprofeti Natani na ghohide ni Bheti-Sebha Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

²Nyi handze gighoho gyangu nyi agise ga giwono gyangu.

³Kholu nyi ngu siti siwono sangu, Gighoho gyangu gyomo mbeli gwangu gikhati gyatshavbo.

⁴ Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

⁵Kholu eni nyi velegedwe mugighohoni, mayi wangu khuride mimba yangu nyiri gighohi.[2]

⁶Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

⁷Nyi handze khu sasi, nyi na aga; nyi handze, nyi na aga ngudzu guvbindra hunguva.

⁸Nyi gire nyipwa gunengela ni gutsaka, gasi ma nengele marambo yangu u ma fanyeledzedego.

⁹Siha khovbe yago u si woni sighoho sangu, u futa guvivba gwangu gwatshavbo.

¹⁰Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

¹¹U nga nyi rinyi hwindzo nya khovbe yago ambari gu nyi dusela Liphuvbo lago nya Guage.

¹²Nyi wuyisele nyaluphye gutsaka khu guvbanyisa gwago li na nyi tiyise liphuvbo nya wuhindzi.

¹³Nyi na hevbudza sighohi ndzila yago, gasi sighohi si wuye gwago.

¹⁴Nungungulu, nyi vbulugise ga novba wu vbaladzidwego Nungungulu, muvbanyisi wangu, lidimi langu li na khusedza gululama gwago.

¹⁵Pfhumu, tula likana langu, likana langu li na tivisa wudhumo wago.

¹⁶Kholu uwe khu tsakiswi khu miphaso nya dzimhamba; ambari nya gu gu ninga miphaso nya guvbiswe; uwe khu tsakiswi khiyo.

¹⁷Dzimhamba dzi tsakisago Nungungulu khu hefemulo wu dzi layago; Uwe Nungungulu khu nyenyi monyo wu tshanisekago.

¹⁸Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

¹⁹Khu guralo, u na nengela khu miphaso nya gululame, nya miningelo ni miphaso nya guvbiswe, vbagiluvelotunu gwago gu na ningedwa miphaso nya sikuziyana.